December 15, 2016 
தண்டோரா குழு
அத்தியாவசிய பொருள்கள் மற்றும் மருந்துகள் வாங்க பயன்பாட்டில் இருந்த பழைய 5௦௦, 1000 ருபாய் நோட்டுகள் வியாழக்கிழமை(டிசம்பர் 15) நள்ளிரவு முதல் பயன்படுத்த முடியாது என்று மத்திய நிதி அமைச்சகம் தெரிவித்துள்ளது.
நவம்பர் 8ம் தேதி 5௦௦ மற்றும் 1,௦௦௦ நோட்டுகள் செல்லாது என்று பிரதமர் நரேந்திர மோடி அறிவித்தார். அதற்கு பிறகு மக்கள் பல நாட்களாக வங்கிகள் மற்றும் ஏடிஎம்கள் வரிசையில் நின்று பணம் எடுக்க வேண்டிய அவலம் தொடர்ந்து நடந்து வருகிறது. இதில் பல மக்கள் இறந்தும் உள்ளனர்.
இருப்பிலும், சமையல் எரிவாயு, தண்ணீர், மின்சாரம், மருந்து பொருள்கள், பெட்ரோல் டீசல் ஆகியவற்றை பெறுவதற்கு பழைய 5௦௦ மற்றும் 1,௦௦௦ ரூபாய் நோட்டுகளை குறிப்பிட்ட காலம் வரை பயன்படுத்தலாம் என்று மத்திய அரசு அறிவித்தது. இதற்கான கால அவகாசமும் நீடிக்கப்பட்டது.
இந்நிலையில், வியாழக்கிழமை நள்ளிரவு முதல் இந்த பழைய 5௦௦ மற்றும் 1,௦௦௦ ரூபாய் நோட்டுகளை பயன்படுத்த முடியாது என்று மத்திய நிதி அமைச்சகம் தெரிவித்துள்ளது.
இது குறித்து சக்திகாந்த தாஸ் தனது டிவிட்டர் பக்கத்தில் வெளியிட்டதாவது:
குறிப்பிட்ட சேவைகளுக்காக, பழைய 5௦௦ மற்றும் 1,௦௦௦ ரூபாய் நோட்டுகளின் பயன்பாடு வியாழக்கிழமை நள்ளிரவு முதல் முடிவுக்கு வருகிறது.
இவ்வாறு அவர் தெரிவித்துள்ளார்.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
