June 8, 2021 
தண்டோரா குழு
முழு ஊரடங்கு காலத்தில் மகளிர் சுய உதவி குழுக்களிடம் கடன் தொகையை திரும்ப செலுத்த நிர்பந்தம் செய்யும் தனியார் வங்கிகள் மற்றும் நுண்நிதி கடன் நிறுவனங்கள் மீது நடவடிக்கை எடுக்கப்படும் என மாவட்ட ஆட்சியர் நாகராஜன் தெரிவித்துள்ளார்.
இதுகுறித்து அவர் தெரிவித்திருப்பதாவது:
கொரோனா 2வது அலை பரவலை கட்டுப்படுத்தும் நோக்கில் தமிழகத்தில்
முழு ஊரடங்கு கடந்த 10ம் தேதி முதல் அமல்படுத்தப்பட்டுள்ளது. இதை தொடர்ந்து கோவை மாவட்டத்தில் முழு ஊரடங்கு தற்போது நடைமுறையில் உள்ளது. இந்நிலையில் கோவை
மாவட்டத்தில் உள்ள தனியார் வங்கிகள் மற்றும் நுண் நிதி கடன் வழங்கும் நிறுவனங்கள் மகளிர் சுய உதவிக்குழுவினருக்கு வழங்கிய கடன் தவனை தொகையை திரும்ப செலுத்த கேட்டு நிர்பந்தம்செய்து வருவதாக பல்வேறு இடங்களிலிருந்து புகார்கள் வருகின்றன.
கொரானா பரவும் இச்சூழலில் மகளிர் சுய உதவி குழுக்கள் தங்களது வாழ்வாதார நடவடிக்கைகளில் சுணக்கம் ஏற்பட்டு இக்கட்டான காலகட்டத்தில் உள்ளனர். எனவே, அவர்களது கடனுக்கான தவணை தொகையை வசூலிக்க நிர்பந்தம் செய்வதை தவிர்த்து கால அவகாசம் வழங்கி கூடுதல் வட்டி வசூலிப்பதை தவிர்க்க வேண்டும். இது தொடர்பாக மாவட்ட அளவில் திட்ட இயக்குநர், மாவட்ட முன்னோடி வங்கி மேலாளர், உதவித்திட்ட அலுவலர்கள்
(மகளிர் திட்டம்) மூலம் கண்காணிக்கப்பட்டு வருகிறது.
மேலும் மகளிர் சுய உதவிக் குழுக்களின் கடன் திரும்ப செலுத்தும் கால அட்டவனையை மாற்றி அமைக்கவும் நடவடிக்கை மேற்கொள்ள பட்டு வருகிறது. மேலும், கொரோனா பெருந்தொற்று காலத்தில் தனியார் வங்கிகள் மற்றும் நுண் நிதி
நிறுவன பணியாளர்கள் வெளியூர் நபர்களாக இருப்பதாலும், கடன் தொகை வசூல் செய்வதற்காக அவர்கள் பல்வேறு இடங்களுக்கு சென்று வருவதாலும் இவர்கள் மூலம் கொரோனா தொற்று பரவ
வாய்ப்புள்ளது.
எனவே இது தொடர்பாக எந்த புகார்களுக்கும் இடம் அளிக்காத வகையில் செயல்படவும், இதையும் மீறி புகார்கள் ஏதேனும் மாவட்டத்தில் எழும்பட்சத்தில் இச்செயல் தற்போது அரசு விதித்துள்ள ஊரடங்கு நடைமுறைகளை மீறிய செயலாக கருதப்பட்டு தொடர்புடைய அனைத்து தனியார் வங்கிகள், நுண் நிதி கடன் நிறுவனங்கள் மற்றும்தொடர்புடையவர்கள் மீது நடவடிக்கை மேற்கொள்ளப்படும்.
இவ்வாறு அவர் தெரிவித்தார்.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
