April 2, 2021 
தண்டோரா குழு
கோவையில் 4 மையங்களில் காவல் துறையினருக்கான தபால் வாக்குபதிவு நடைபெற்று வருகிறது.
கோவை மாவட்டத்தில் தேர்தல் பணிகளில் ஈடுபட்டு வரும் காவல் துறையினருக்கான தபால் வாக்குப்பதிவுகள் இன்று காலை 8 மணிக்கு துவங்கியது. கோவை சி.எஸ்.ஐ பள்ளியில், காவலர் பயிற்சி பள்ளி, மேட்டுப்பாளையம், பொள்ளாச்சி என 4 மையங்களில் காலை முதல் தபால் வாக்குப்பதிவானது நடந்து வருகிறது.
கோவை மாவட்டத்தை சேர்ந்த காவலர்கள் சி.எஸ்.ஐ பள்ளியில் 10 தொகுதிக்கும், காவலர் பயிற்சி பள்ளியில் 6 தொகுக்கும், மேட்டுப்பாளையம்,பொள்ளாச்சியில் தலா 2 தொகுதிக்கும் வாக்களிக்க ஏற்பாடு செய்யப்பட்டுள்ளது.மேலும் பிற மாவட்ட காவலர்களும் தபால் வாக்குகளை செலுத்தி வருகின்றனர். காலையில் ஆர்வத்துடன் காவலர்கள் வாக்களித்து வருகின்றனர்.
For English News
