February 20, 2021 
தண்டோரா குழு
கோவையில் நடைபெற்ற தமிழ் மொழி உரிமை மீட்பு ஆர்ப்பாட்டத்தில் திருக்கோவில்களில் தமிழில் வழிபாடு, குழந்தைகளுக்கு தமிழ் பெயர்கள் சூட்ட வேண்டும் உள்ளிட்ட பல்வேறு கோரிக்கைகளை வலியுறுத்தி தமிழ் ஆர்வலர்கள் சார்பாக ஆர்ப்பாட்டம் நடைபெற்றது.
கோவையில் கோயம்புத்தூர் தமிழ் சங்கமம் மற்றும் தமிழ்மொழி காக்கும் கூட்டு இயக்கம் சார்பாக தமிழ் மொழி உரிமை மீட்பு ஆர்ப்பாட்டம் செஞ்சிலுவை சங்கம் முன்பாக நடைபெற்றது. பேரூராதீனம் தவத்திரு மருதாசல அடிகளார் சிரவை ஆதீனம் தவத்திரு குமரகுருபர சுவாமிகள் ஆகியோர் தலைமையில் நடைபெற்ற இதில், தமிழ்மொழி காப்பு கூட்டியக்கத்தின் தலைவர் புலவர் அப்பாவு மற்றும் கோயம்புத்தூர் தமிழ்ச்சங்கத்தின் தலைவர் துரைசாமி ஆகியோர் முன்னிலை வகித்தனர்.
ஆர்ப்பாட்டத்தில் திருக்கோவில்களில் தமிழில் வழிபாடு குழந்தைகளுக்கு தமிழ் பெயர் சூட்டவேண்டும் வணிக நிறுவனப் பெயர் பலகைகளில் தமிழுக்கு முதலிடம் அளிக்க வேண்டும் தமிழ்மொழி பெற்றவர்களுக்கு 80 சதவீத அரசு பணி வழங்க வேண்டும் தொடக்க நிலை யிலும் தமிழ்மொழிக் கல்வி வழங்கப்பட வேண்டும் இதனை வரும் கல்வி ஆண்டிலேயே நடைமுறைப்படுத்த வேண்டும் தமிழ் ஆட்சிமொழி அலுவல் மொழியாகவும் எல்லா துறைகளிலும் நடைமுறைப்படுத்த வேண்டும் உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டம் நடைபெற்றது.
ஆர்ப்பாட்டத்தில் தமிழ் புலவர் பெருமக்கள் சான்றோர்கள் கல்வியாளர்கள் தமிழ் அமைப்புகள் என பல்வேறு தமிழ் ஆர்வலர்கள் கலந்து கொண்டனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
