September 28, 2020 
தண்டோரா குழு
வேளாண் தொடர்பான சட்டங்களை திரும்ப பெற கோரி மத்திய மாநில அரசுகளை கண்டித்து கோவை கிழக்கு மாவட்ட தி.மு.க.சார்பாக மதுக்கரை மார்க்கெட் பகுதியில் கண்டன ஆர்ப்பாட்டம் நடைபெற்றது.
வேளாண் தொடர்பான 3 சட்டங்களையும் திரும்பப்பெற வலியுறுத்தியும், அதற்கு துணைபோன அதிமுகஅரசைக் கண்டித்தும் இன்று மாவட்டத் தலைநகரங்கள், நகராட்சிகள், ஒன்றியங்களில் ஆர்ப்பாட்டம் நடத்துவது என்று கடந்த 21-ம் தேதி சென்னையில் நடந்த திமுக கூட்டணி கட்சித் தலைவர்கள் கூட்டத்தில் முடிவெடுக்கப்பட்டது.
இந்நிலையில் இன்று,தமிழகம் முழுவதும் திமுக கூட்டணி கட்சிகள் சார்பாக ஆர்ப்பாட்டம் நடைபெற்றது. அதன் படி கோவை கிழக்கு மாவட்ட தி.மு.க.சார்பாக மதுக்கரை மார்க்கெட் பகுதியில் நடைபெற்ற ஆர்ப்பாட்டத்தில் கிழக்கு மாவட்ட தி.மு.க பொறுப்பாளர் சேனாதிபதி தலைமை வகித்தார். இதில் கொங்கு நாடு மக்கள் தேசிய கட்சி, காங்கிரஸ், விடுதலை சிறுத்தைகள்,மார்க்சிஸ்ட் மற்றும் இந்திய கம்யூனிஸ்ட் கட்சியினர் உட்பட கூட்டணி கட்சிகளை சேர்ந்த பலர் கலந்து கொண்டனர்.
மதுக்கரை மத்திய ஒன்றிய செயலாளர் இ.பி.ஆர்.என்ற ராஜேந்திரன்,மதுக்கரை மேற்கு ஒன்றிய செயலாளர் ராணி சித்ரா ஆகியோர் ஆகியோர் முன்னிலையில் நடைபெற்ற இதில் தி.மு.க காங்கிரஸ் உட்பட பல்வேறு கட்சியை சேர்ந்தவர்கள் சமூக இடைவெளியுடன் கலந்து கொண்டு மத்திய மாநில அரசுகளை கண்டித்து கோசங்கள் எழுப்பினர்.
சத்குரு முன்னிலையில் வரும் 21ம் தேதி ஈஷா கிராமோத்சவம் இறுதிப் போட்டிகள் – மத்திய விளையாட்டுத்துறை அமைச்சர் பங்கேற்பு
புதிய திருவிழா கால புடவைத் தொகுப்பான ’மியாரா’ தநைரா அறிமுகம்
கோவையில் “ஸ்ருஷ்டி 2025” கைவினைப் பொருட்களின் கண்காட்சி மற்றும் விற்பனை துவக்கம்
செப்.20ம் தேதி PSG எல்டர் கான் 2025 – மாநிலங்களுக்கு இடையேயான முதியோர் மாநாடு
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
For English News
