September 24, 2020 
தண்டோரா குழு
வியாபாரிகளிடம் முறைகேடாக பணம் வசூலித்து மோசடியில் ஈடுபட்டு வரும் கோவை அண்ணா காய்கறி மார்க்கெட் குத்தகைதாரர் மீது உரிய நடவடிக்கை எடுக்க வலியுறுத்தி வியாபாரிகள் மார்க்கெட் வளாகத்தில் உள்ளிருப்பு போராட்டத்தில் ஈடுபட்டனர்.
கோவை-மேட்டுப்பாளையம் சாலை சாய்பாபா காலனி பகுதியில் செயல்பட்டு வரும் அண்ணா காய்கறி சந்தையில் நானூறுக்கும் மேற்பட்ட வியாபாரிகள் சிறிய அளவிலான கடைகள் அமைத்து வியாபாரம் செய்து வந்த நிலையில் அங்கு வியாபாரிகள் மற்றும் பொதுமக்களின் வசதிக்காக மாநகராட்சி நிர்வாகம் சார்பில் கட்டண முறை கழிப்படம் அமைக்கப்பட்டுள்ளது. அதற்கான குத்தகைதாரராக காளியப்பன் என்பவர் நியமனம் செய்யப்பட்டுள்ளார்.
இதனிடையே கொரோனா பரவலை தடுக்கும் வகையில் சமூக இடைவெளியை கருத்தில் கொண்டு மார்க்கெட் தற்காலிகமாக தடாகம் சாலையிலுள்ள அரசு பொறியியல் கல்லூரி வளாகத்திற்கு மாற்றம் செய்யப்பட்டுள்ளது.இந்த சூழலில் குத்தகைதாரரான காளியப்பன் அங்குள்ள வியாபாரிகளிடம் அதிகாரிகளின் பெயரை தவறாக பயன்படுத்தி அதிக அளவிலான தொகையை பெற்று மோசடியில் ஈடுபட்டு வருவதாகவும் மீண்டும் பஇய இடத்திற்கே சந்தையை மாற்ற அமைச்சர் மற்றும் அதிகாரிகளுக்கு லஞ்சம் கொடுக்க வேண்டும் என கூறி ஒவ்வொரு கடை காரரிடமும் ஐந்தாயிரம் ரூபாய் வீதம் வசூலிப்பதாகவும் குற்றம் சாட்டி வியாபாரிகள் இன்று போராட்டத்தில் ஈடுபட்டனர்.
முன்னதாக அண்ணா மார்க்கெட் வளாகத்த உள்ளிருப்பு போராட்டத்தில் ஈடுபட்ட வியாபாரிகள் குத்தகைதாரரான காளியப்பனின் முறைகேடான நடவடிக்கைகள் காரணமாகவே வியாபாரிகள் பலர் கொரொனா நோய் பாதிப்புக்கு ஆளாகியதாகவும் மாநகராட்சி ஆணையர் பெயரில் உள்ள மின் இணைப்புக்கு செலுத்த வேண்டிய கட்டணத்தை விட அதிக தொகையை வசூலித்து வருவதாகவும் குற்றம் சாட்டினர்.வியாபாரிகள் போராட்டத்தை தொடர்ந்து அங்கு சென்ற மாநகராட்சி அதிகாரிகள் உரிய விசாரணை மேற்கொண்டு நடவடிக்கை எடுக்கப்படும் என உறுதியளித்ததையடுத்து போராட்டம் தற்காலிகமாக கைவிடப்பட்டது.எனினும் நடவடிக்கை எடுக்காத பட்சத்தில் அனைத்து வியாபாரிகளையும் இணைத்து பெரியளவிலான போராட்டத்தை முன்னெடுப்போம் எனவும் வியாபாரிகள் தெரிவித்தனர்.
சத்குரு முன்னிலையில் வரும் 21ம் தேதி ஈஷா கிராமோத்சவம் இறுதிப் போட்டிகள் – மத்திய விளையாட்டுத்துறை அமைச்சர் பங்கேற்பு
புதிய திருவிழா கால புடவைத் தொகுப்பான ’மியாரா’ தநைரா அறிமுகம்
கோவையில் “ஸ்ருஷ்டி 2025” கைவினைப் பொருட்களின் கண்காட்சி மற்றும் விற்பனை துவக்கம்
செப்.20ம் தேதி PSG எல்டர் கான் 2025 – மாநிலங்களுக்கு இடையேயான முதியோர் மாநாடு
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
For English News
