August 26, 2020 
தண்டோரா குழு
யாஷ் நாயகனாக 2018-ம் ஆண்டு டிசம்பர் மாதம் வெளியான கன்னடப் படம் ‘கே.ஜி.எஃப்’. இந்தப் படம் பெரும் பொருட்செலவில் தயாரிக்கப்பட்டு, வெளியாகி பெரும் வரவேற்பைப் பெற்றது.இதர மொழிகளிலும் இப்படம் டப்பிங் செய்யப்பட்டது.
பிரஷாந்த் நீல் இயக்கியிருந்த இந்தப் படத்தின் இரண்டாம் தற்போது உருவாகி வருகிறது. 2-ம் பாகத்தில் சஞ்சய் தத், ரவீனா டண்டன் ஆகியோர் முக்கியக் கதாபாத்திரங்களில் நடித்துள்ளனர். கொரோனா அச்சுறுத்தலால் இதன் படப்பிடிப்பு தள்ளிவைக்கப்பட்டது.
இந்நிலையில், இப்படத்தின் படப்பிடிப்பு பெங்களூருவில் இன்று மீண்டும் துவங்கியது. அங்குள்ள ஸ்டூடியோவில் 10 நாட்கள் படப்பிடிப்பு நடைபெறவுள்ளது. மேலும்,இப்படத்தில் நடிகர் பிரகாஷ் ராஜ் இணைந்துள்ளார். இன்றைய படப்பிடிப்பில் அவர் கலந்து கொண்டார். கொரோனா அச்சுறுத்தலுக்கு பின் துவங்கிய முதல் இந்திய படம் கே.ஜி.எப் 2 என்பது குறிப்பிடத்தக்கது. இதோடு க்ளைமாக்ஸ் சண்டைக் காட்சியைத் தவிர, இதர காட்சிகள் அனைத்தும் முடிந்துவிடும் என்று படக்குழு அறிவித்துள்ளது.
For English News
