June 18, 2020 
தண்டோரா குழு
கோவை ஆர்.ஜி.புதூர் பகுதியில் இதுவரை 18 பேருக்கு கொரோனா தொற்று ஏற்பட்டுள்ள நிலையில்,அப்பகுதி தனிமைப் படுத்தப்பட்டுள்ளது.தொற்று காரணமாக தனியார் மில் மூடப்பட்டுள்ளது
கோவையில் கடந்த சில நாட்களாக கொரோனா பாதிப்புகள் அதிகரித்து வருகிறது. நேற்று ஒரே நாளில் 31 பேருக்கு கொரோனா தொற்று உறுதி செய்யப்பட்டது. இது கோவையில் பதிவான அதிகபட்ச பாதிப்பாகும்.இதில் ஆர்.ஜி.புதூர் பகுதியில் மட்டும் 11 பேருக்கு தொற்று ஏற்பட்டது.சென்னையில் இருந்து கோவை வந்த ஆர்.ஜி.புதூர் பகுதியை சேர்ந்த 28 வயது இளைஞர் கொரோனா தொற்றால் கடந்த 14 ம் தேதி உயிரிழந்ததாக கூறப்படுகிறது.
இதையடுத்து அப்பகுதியில் நடத்தப்பட்ட பரிசோதனையில் 39 முடிவுகள் வரப்பெற்றதில், 17 பேருக்கு கொரோனா தொற்று உறுதியானது. இதனால் அப்பகுதி தனிமைப்படுத்தப்பட்ட பகுதியாக அறிவிக்கப்பட்டுள்ளது.அப்பகுதியில் உள்ள மளிகை மற்றும் காய்கறி கடைகள் அடைக்கப்பட்டுள்ளன.இதனிடையே உயிரிழந்த இளைஞரின் தாய் மற்றும் சகோதாரர் பணியாற்றிய சின்னியம்பாளையம் பகுதியில் உள்ள சிஎன்வி ஸ்பின்னிங் மில்லிலும் கொரோனா தொற்று ஏற்பட்டது. இதையடுத்து அந்த மில் மூடப்பட்டு,அங்கு பணியாற்றியவர்கள் மற்றும் குடும்பத்தினர் தனிமைப்படுத்தப்பட்டுள்ளனர்.
ஆர்.ஜி.புதூர் பகுதியில் உள்ள 220 பேருக்கு இரத்தம் மற்றும் சளி மாதிரிகள் எடுக்கப்பட்டு, மருத்துவ பரிசோதனைக்கு அனுப்பப்பட்டுள்ளன. இன்று மருத்துவ பரிசோதனை முடிவுகள் வெளியாகும் என எதிர்பார்க்கப்படுகிறது.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
