June 9, 2020 
தண்டோரா குழு
இயக்குநர் கார்த்திக் தனுஷின் ஜகமே தந்திரம் படத்தை இயக்கி வருகிறார். இப்படத்தை தொடர்ந்து அவர் சியான் விக்ரமின் படத்தை இயக்கவுள்ளார்.
செவன் ஸ்கிரீன் ஸ்டுடியோஸ் லலித் குமார் தயாரிக்கும் இப்படம் குறித்து அதிகாரப்பூர்வ அறிவிப்பு வெளியாகியுள்ளது. சியான்60′ அல்லது ‘விக்ரம்60′ எனக் கூறப்படும் இப்படத்தை கார்த்திக் சுப்புராஜ் இயக்கவுள்ளதாகவும், அதற்கு அனிருத் இசையமைக்கவுள்ளதாகவும் அறிவிக்கப்பட்டுள்ளது. இயக்குநர் கார்த்திக் சுப்பராஜ் தனது ட்விட்டர் பக்கத்தில், “ஜகமே தந்திரம் படத்தையடுத்து நான் இயக்கப்போகும் அடுத்த படம் ‘சியான்60′ என அறிவிப்பதில் மகிழ்ச்சி” எனப் பதிவிட்டார். இசையமைப்பாளர் அனிருத், தனது ட்விட்டர் பக்கத்தில் “ முதல் முறையாக சியான்60-க்காக அருமையான இயக்குநர் கார்த்திக் சுப்பராஜுடன், மீண்டும் ஒரு சிறப்பான தரமான சம்பவம்” எனப் பதிவிட்டுள்ளார்.
இரு கைகள், ஒரு துப்பாக்கி, சிறிது இரத்தம் நிறைந்த இந்த அறிமுக போஸ்டர் தற்போது இணையத்தில் வைரலாகிவருகிறது. மேலும், இந்த படம் குறித்த செய்தியே தற்போதைய கோலிவுட்டின் ஹாட் செய்தியாக உள்ளது.
For English News
