June 3, 2020 
தண்டோரா குழு
கோவை மதுக்கரை அருகே குரான் பயிலும் மதராசாவில் நுழைந்து மர்ம நபர்கள், அங்கிருந்த பொருட்களை சேதப்படுத்தி தப்பிச் சென்ற சம்பவம் அப்பகுதியில் பரபரப்பை ஏற்படுத்தி உள்ளது.
கோவை மதுக்கரை அருகே உள்ள அறிவொளி நகர் பகுதியில் இஸ்லாமிய குழந்தைகள் குரான் பயிலும் மதராசா செயல்பட்டு வருகிறது. கொரோனா ஊரடங்கால் கடந்த 2 மாதங்களாக மதராசா மூடப்பட்டுள்ளது.இந்நிலையில் நேற்று இரவு அப்பள்ளியில் இருந்து சத்தம் கேட்டுள்ளது. மேலும் லைட்டுகளும் போடப்பட்டிருந்ததால் சந்தேகமடைந்த அக்கம்பக்கத்தினர் அங்கு சென்று பார்த்தனர். அப்போது மதராசாவிற்குள் புகுந்த மர்ம நபர்கள் சிலர் உள்ளே இருந்த ஃபேன், கண்ணாடி உள்ளிட்ட பொருட்களை அடித்து உடைத்து, அங்கு வைக்கப்பட்டிருந்த குரான் புத்தங்களை சேதப்படுத்தி தப்பி சென்றது தெரியவந்தது.
இதையடுத்து அப்பகுதி மக்கள் மதுக்கரை போலீஸாருக்கு தகவல் அளித்தனர். பின் அங்கு வந்த போலீஸார் தடயங்களை ஆய்வு செய்தனர். மேலும் சம்பவம் தொடர்பாக வழக்கு பதிவு செய்து தப்பி ஓடிய மர்ம நபர்கள் குறித்து விசாரித்து வருகின்றனர். இந்நிலையில் கோவை மாவட்ட அனைத்து ஜமாத்தினர் சம்பவ இடத்தில் ஆய்வு மேற்கொண்டனர்.
இது குறித்து அவர்கள் கூறும்போது,
மதராசாவில் புகுந்து பொருட்களை சேதப்படுத்தியது யார் என தெரியாது, இதற்கு எந்த மதச்சாயமும் பூச வேண்டாம், ஆனால் இம்மாதிரியான செயல்களில் ஈடுபடும் மர்ம நபர்களை கண்டறிந்து நடவடிக்கை எடுக்க வேண்டும் என தெரிவித்தனர். மேலும் இந்த மாதிரியான வழக்குகளில் கோவை மாவட்ட போலீஸார் சிறப்பாக விசாரணை செய்து உடனடியாக நடவடிக்கை எடுத்து வருகின்றனர். எனவே இந்த வழக்கிலும் மர்ம நபர்களை விரைவில் கைது செய்து நடவடிக்கை எடுப்பார்கள் என தெரிவித்தனர்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
