May 9, 2020 
தண்டோரா குழு
கோவை செட்டி வீதி பகுதியில் உள்ள டாஸ்மாக் கடைக்குள் ஓட்டைப் பிரித்து திருட முயன்ற நபர் தப்பியோடினார்.
தமிழகத்தில் கொரோனா வைரஸ் வேகமாக பரவி வரும் நிலையில், ஊரடங்கு தளர்த்தப்பட்டு சென்னை தவிர பிற பகுதிகளில் டாஸ்மாக் கடைகள் திறக்கப்பட்டது.கடை திறந்தவுடன் மது பிரியர்கள் சமூக இடைவேளியை கடைபிடிக்காமல் கூட்டமாக நின்று மது பாட்டில்களை வாங்கி செல்வதாக பொதுமக்கள் குற்றம்சாட்டி வந்தனர்.
இந்நிலையில் தமிழகத்தில் திறக்கப்பட்ட டாஸ்மாக் கடைகளை உடனடியாக மூட வேண்டும் என ஐகோர்ட்டில் மனு தாக்கல் செய்யப்பட்டு மனு நேற்று விசாரணைக்கு வந்த போது தமிழகத்தில் திறக்கப்பட்ட டாஸ்மாக் கடைகளை மூட சென்னை உயர்நீதிமன்றம் உத்தரவு பிறப்பித்தது. மே 17 ஆம் தேதி வரை ஆன்லைனில் மட்டுமே மதுபானங்களை விற்பனை செய்ய அனுமதி வழங்கப்பட்டுள்ள நிலையில்,தவறான முறையில் கடைகளை திறந்து பாட்டில்களை எடுத்து விற்பனை செய்யக்கூடாது என்று முன்னெச்சரிக்கையாக கோவை மாநகர பகுதியில் உள்ள பல்வேறு டாஸ்மாக் கடைகள் சீல் வைக்கப்பட்டது.
இதனை தொடர்ந்து மது பிரியர்கள் கோவை செட்டி வீதி பகுதியில் உள்ள டாஸ்மாக் கடையின் பூட்டை உடைக்க முடியாமல் சுவற்றின் மேல உள்ள ஓட்டை பிரித்து மது பாட்டில்களை திருட முயன்றனர். அக்கம் பக்கத்தினர் திருடனை பார்த்தவுடன் அங்கு தப்பித்து சென்றான். இது குறித்து போலீசார் விசாரணை நடத்தி வருகின்றனர்.
டிவிஎஸ் மோட்டார் நிறுவனத்தின் அற்புதமான மின்சார வாகனம் டிவிஎஸ் ஆர்பிட்டர் கோவையில் அறிமுகம்
கோவை நிர்மலா மகளிர் கல்லூரியில் 78 புரிந்துணர்வு ஒப்பந்தம் கையெழுத்திடும் விழா
பிஎஸ்ஜி நர்சிங் கல்லூரி நிறுவனர் நாள் விழா
இந்தியாவிலேயே முதல்முறையாக KMCH மருத்துவமனைக்குடிலாய்ட் நிறுவனத்தின் கவுரவ விருது!
டிஜிட்டல் கைது’ மோசடிக்கு எதிராக என்பிசிஐ மக்களிடம் விழிப்புணர்வு ஏற்படுத்துகிறது
பண்டிகை கால கடன் விகிதம் 27 சதவீதம் அதிகரிப்பு, பஜாஜ் நிதி நிறுவனத்தில் முதல் முறையாக கடன் வாங்குபவர்களின் எண்ணிக்கை 52 சதவீதமாக உயர்வு
For English News
