May 8, 2020 
தண்டோரா குழு
தமிழ்நாடு வேளாண்மைப் பல்கலைக்கழகம் தனது கல்லூரிகள் இயக்குநரகங்கள், ஆராய்ச்சி நிலையங்கள் மற்றும் வேளாண் அறிவியல் நிலையங்கள் ஆகியவற்றின் செயல்பாடுகள் குறித்த சமீபத்திய தகவல்களுடன் தனது அதிகாரப்பூர்வ இணையதளத்தை
மீண்டும் வடிவமைத்து புதுப்பித்துள்ளது.
இப்புதிய இணையதளத்தைத் தொடங்க கோயமுத்தூர் தமிழ்நாடு வேளாண்மை
பல்கலைகழக துணைவேந்தர் அலுவலகத்தின் கமிட்டி அறையில் இன்று
துணைவேந்தர் முனைவர்.குமார் தலைமையிலான பல்கலைக்கழக
அதிகாரிகளுடன் ஒரு கூட்டம் ஏற்பாடு செய்யப்பட்டது.வேளாண் பொறியியல் கல்லூரிகள் மற்றும் ஆராய்ச்சி நிலையத்தின் முதன்மையர் முனைவர். பா. ஸ்ரீதர் கூட்டத்தை வரவேற்று புதிய இணையதளத்தின்
வடிவமைப்பைக் குறித்து விளக்கினார். துணைவேந்தர்,தமிழ்நாடு வேளாண்மைப்
பல்கலைக்கழகத்தின் புதிய இணையதளத்தை தொடங்கி வைத்து அதன் சிறப்பம்சங்களையும்,
பயன்பாட்டையும் குறித்து உரையாற்றினார்.
இப்புதிய இணையதளத்தை உருவாக்க இயல் அறிவியல் மற்றும் தகவல் தொழில்நுட்பத்துறையினர் மேற்கொண்ட முயற்சிகளைப் பாராட்டினார். இப்புதிய
இணையதளத்தை, பழைய இணையதளமான www.tnau.ac.in இணைப்பிலிருந்து TNAU New website என்ற சுருள் செய்தியைக் கிளிக் செய்வதன் மூலம் அணுகலாம் என்று தெரிவிக்கப்பட்டுள்ளது.
For English News
