December 10, 2019 
தண்டோரா குழு
மேட்டுப்பாளையம் நடூரில் லட்சுமணன் என்ற இளைஞரை காவல் துறையினர் அடித்து துன்புறுத்தியதாக கூறப்படுகிறது.
கோவை மாவட்டம் மேட்டுப்பாளையம் நடூரில் கடந்த சில தினங்களுக்கு முன்னர் சுற்றுசுவர் இடிந்து விழுந்து 17 பேர் உயிரிழந்தனர். இந்த பகுதியில் இன்னமும் போலீஸ் பாதுகாப்பு போடப்பட்டுள்ளது. இந்நிலையில் நேற்று இரவு அந்த பகுதியை சேர்ந்த சிவலட்சுமணன் என்ற இளைஞருக்கும் பாதுகாப்பு பணியில் இருந்த போலீசாருக்கும் வாக்குவாதம் ஏற்பட்டுள்ளது. இதனையடுத்து சிவலட்சுமணனை மேட்டுப்பாளையம் காவல் நிலையம் அழைத்து சென்று போலீசார் தாக்குதல் நடத்தியதாக கூறப்படுகின்றது.
இந்நிலையில் காயமடைந்த இளைஞர் லட்சுமணனுடன் மூத்த வழகறிஞர் ரத்தினம், தந்தை பெரியார் திராவிட கழக பொது செயலாளர் கு.ராமகிருஷ்ணன் ஆகியோர் கோவையில் செய்தியாளர்களை சந்தித்தனர்.
அப்போது பேசிய சென்னை உயர் நீதிமன்ற மூத்த வழகறிஞர் ரத்தினம்,
மேட்டுப்பாளையம் நடூரில் லட்சுமணன் என்ற இளைஞரை காவல் துறையினர் அடித்து துன்புறுத்தி இருக்கின்றனர் எனவும் ,காவல் துறையினர் அத்துமீறல் நாளுக்கு நாள் அதிகரித்துள்ளது எனவும் குற்றம்சாட்டினார்.
17 பேர் இறந்த வழக்கில் கைது செய்யப்பட்டவர் மீது வன்கொடுமை தடுப்பு சட்டத்தை இன்னும் சேர்க்கவில்லை என குற்றம்சாட்டிய அவர், நடூரில் இளைஞர் சிவலட்சுமணன் தாக்கப்பட்ட சம்பவம் குறித்து சென்னை உயர் நீதிமன்றத்தில் வழக்கு தொடரப்பட இருப்பதாகவும் தெரிவித்தார்.
இதனை தொடர்ந்து பேசிய நடூர் பகுதியை இளைஞர் சிவலட்சுமணன்,
மரியாதை குறைவாக பேசிய காவல் துறையினரை மரியாதையாக பேசுங்க என்று சொன்னதற்காக காவல் நிலையம் அழைத்து சென்று போலீசார் தாக்கினர் என குற்றம்சாட்டினார்.குச்சியை வைத்து தாக்கியதில் கை விரல்களில் காயம் ஏற்பட்டு அசைக்க முடியவில்லை என கூறிய அவர்,காவல் துறை மனசாட்சியே இல்லாமல் தன்னை தாக்கினார்கள் எனவும் ,உடையை அவிழ்த்து விட்டு நிர்வாணமாக நிற்க வைத்து போலீசார் தன்னை தாக்கினர் எனவும் தெரிவித்தார். சூ கால்களினால் எட்டி உதைத்து போலீசார் துன்புறுத்தினார்கள் எனவும் பின்னர் நள்ளிரவில் விடுவித்து விட்டனர் எனவும் சிவலட்சுமணன் தெரிவித்தார்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
