December 5, 2019 
தண்டோரா குழு
ஏ.எல். விஜய் இயக்கத்தில் ஜெயலலிதாவின் வாழ்க்கை வரலாறு ‘தலைவி’ என்கிற தலைப்பில் படமாகிறது. இப்படத்தில் ஜெயலலிதாவின் கதாபாத்திரத்தில் பாலிவுட்டின் முன்னணி நடிகை கங்கனா ரணாவத் நடிக்கிறார்.
ஜெயலலிதாவின் வாழ்க்கையில் சினிமா, அரசியல் என்று பல்வேறு கட்டங்கள் இருப்பதால், ரணாவத் நான்கு காலகட்டங்களில் நான்கு தோற்றங்களில் வருகிறார்.அரவிந்த் சாமி இப்படத்தில் எம்.ஜி.ஆர். வேடத்தில் நடிக்கிறார்.இப்படத்தில் ஜெயலலிதாவுடன் நடித்துள்ள பிரபல நடிகர்களின் கதாபாத்திரங்களும் இடம்பெற உள்ளன.இந்நிலையில், மறைந்த முன்னாள் தமிழக முதல்வர் ஜெயலலிதாவின் மூன்றாம் ஆண்டு நினைவு தினம் தமிழகம் முழுவதும் அனுசரிக்கப்படுகிறது.
இதனையடுத்து, தலைவி படக்குழுவும் ஷூட்டிங்கை சிறிது நேரம் நிறுத்தி வைத்து மௌன அஞ்சலி செலுத்திவிட்டு, ஜெயலலிதாவின் உருவபடத்திற்கு மலர் தூவி மரியாதை செலுத்தினர். ஜெயலலிதாவாக நடிக்கும் பாலிவுட் நடிகை கங்கனா ரணாவத்தும் ஜெயலலிதாவின் உருவ படத்திற்கு மலர் தூவி மரியாதை செலுத்தினார்.
For English News
