November 4, 2019 
தண்டோரா குழு
சூலூர் அருகே 108 ஆம்புலன்ஸ் வேன் மோதிய சம்பவத்தில் 2 பேர் சம்பவ இடத்திலேயே பலியாயினர்.
சூலூர் மதியழகன் நகரைச் சேர்ந்தவர் செந்தில்குமார் என்பவரது மகன் சதீஷ் குமார் (18). மற்றும் அதே பகுதியைச் சேர்ந்த ரங்கநாதன் மகன் விக்ரம் இருவரும் நண்பர்களாவர். இருவரும் பெயிண்டிங் வேலை செய்து வருகின்றனர்.நேற்று இரவு இருவரும் வேலைக்கு சென்றுவிட்டு சுமார் 8 மணியளவில் தனது இரு சக்கர வாகனத்தில் வீடு திரும்பிக் கொண்டிருக்கும் போது சூலூர் பேருந்து நிலையம் எதிரே சூலூர் நோக்கி மிகவும் வேகமாக வந்து கொண்டிருந்த 108 ஆம்புலன்ஸ் திடீரென சாலையின் வலதுபக்கம் திரும்பி எதிரே வந்து கொண்டிருந்த இரண்டு சக்கர வாகனத்தின் மீது மோதி அருகிலிருந்த கடைக்குள் சென்று நின்றது.இதில் இரண்டு சக்கர வாகனத்தில் வந்து கொண்டிருந்த சதீஷ் மற்றும் விக்ரம் தூக்கி வீசப்பட்டனர்.வாகனம் மோதிய சத்தம் கேட்டு அருகிலிருந்தவர்கள் வந்து பார்க்கையில் வாலிபர்கள் இருவரும் சம்பவ இடத்திலேயே உயிரிழந்தனர்.
108 ஆம்புலன்சை ஓட்டி வந்தவர் பழனி அடிவாரம் பகுதியைச் சேர்ந்த கவியரசன் என்பவர் படுகாயமடைந்தார்.அதைத் தொடர்ந்து அவரை அருகிலிருந்தவர்கள் மீட்டு கோவை அரசு மருத்துவ மனைக்கு அனுப்பி வைத்தனர்.இந்த விபத்து காரணமாக கோவை திருச்சி நெடுஞ்சாலையில் அரை மணிநேரம் போக்குவரத்து பாதிப்படைந்தது. விபத்து பற்றி தகவல் அறிந்த்தும் சம்பவ இடத்திற்கு வந்த சூலூர் போலீசார் உயிரிழந்த வாலிபர்களின் உடலைக் கைப்பற்றி பிரேத பரிசோதனைக்காக கோவை அரசு மருத்துவமனைக்கு அனுப்பி வைத்தனர். ஆம்புலன்ஸ் மோதிய விபத்தில் 2 வாலிபர்கள் பலியான சம்பவம் அப்பகுதியில் பெரும் சோகத்தை ஏற்படுத்தியுள்ளது..
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
