September 28, 2019 
கோவை பூங்கா நகரில் குப்பையை எடுக்கச்சொன்னால் குப்பைதொட்டியையே மாநகராட்சி அதிகாரிகள் எடுத்துச்சென்றனர்.
கோவை மாநகராட்சிக்கு உட்பட்ட கரும்பு கடை பகுதியில் 50 ஆயிரத்திற்கும் மேற்பட்ட மக்கள் வசித்து வருகின்றனர். இந்தப்பகுதியில் அடிப்படை வசதிகள் கூட இல்லாமல் மக்கள் பெரும் சிரமத்திற்கு இடையே வாழ்ந்து வருகின்றனர். இந்நிலையில் இங்குள்ள பூங்கா நகர் ,கரும்பு கடை முக்கிய சாலை பகுதிகளில் கொட்டப்படும் குப்பைகளை எடுக்க மாநகராட்சி அதிகாரிகளிடம் புகார் அளித்தாலும் ஊழியர்கள் வருவதில்லை. குறைவான ஊழியர்களால் முழுமையாக தூய்மை பணி செய்ய முடியவில்லை என அதிகாரிகள் விளக்கமளிப்பதாக அப்பகுதி மக்கள் குற்றம் சாட்டினர்.
மேலும் குப்பை எடுக்க சொன்ன பகுதியில் குப்பைகளை எடுத்து விட்டு , தொட்டியையும் எடுத்துச்சென்றதால் மக்கள் அதிர்ச்சி அடைந்தனர். இதனையடுத்து நொய்யல் ஆற்று கரையில் குப்பைகளை கொட்டத் தொடங்கியுள்ளனர். இதனால் ஆறு மாசுபடுவதோடு சுற்றுச்சூழலும் பாதிக்கப்படும் அபாயம் ஏற்பட்டுள்ளது.
For English News
