October 6, 2016 
தண்டோரா குழு
ராமேஸ்வரத்தை சேர்ந்த பல மீனவர்கள் கச்சத்தீவு அருகே மீன் பிடித்துக் கொண்டிருந்தனர். அப்போது அங்கு வந்த இலங்கை கடற்படை அவர்கள் மீது அத்துமீறி தாக்குதல் நடத்தியது.
இலங்கை கடற்படையின் தாக்குதலால் நிலைகுலைந்து போன மீனவர்கள் செய்வதறியாமல் தவித்தனர். மேலும் இலங்கை கடற்படை கப்பலால், ஆரோக்கிய குருஸ் என்பவருக்கு சொந்தமான படகின் மீது மோதி கடலில் மூழ்கடிக்கப்பட்டது.
நடுக்கடலில் ஆபத்தான நிலையில் தத்தளித்த மீனவர்களை சக மீனவர்கள் மீட்டு மற்றொரு படகில் கரைக்கு கொண்டு வந்தனர். இதனால் மீனவர்கள் மத்தியில் பரபரப்பு ஏற்பட்டுள்ளது. இதற்கு மீனவ சங்கங்கள் கடும் கண்டனம் தெரிவித்துள்ளனர்.
For English News
