September 5, 2019 
தண்டோரா குழு
கவுதம் மேனன் இயக்கத்தில் தனுஷ், மேகா ஆகாஷ், சசிகுமார் உள்ளிட்ட பலர் நடிப்பில் உருவாகியுள்ள படம் ‘எனை நோக்கி பாயும் தோட்டா’. கவுதம் மேனன் மற்றும் எஸ்கேட் ஆர்டிஸ்ட் மதன் இணைந்து இந்தப் படத்தைத் தயாரித்துள்ளனர்.
தர்புகா சிவா இசையமைத்துள்ள இந்தப் படம் நீண்ட வருடங்களாகத் தயாரிப்பிலிருந்து வருகிறது. ஏற்கனவே பல முறை வெளியீட்டு
தேதி அறிவிக்கப்பட்டும்,ஒத்தி வைக்கப்பட்டு வருகிறது. பைனான்ஸ் பிரச்சினை காரணமாக நீண்ட நாட்களாகவே இப்படம் வெளியாகாமல் இருந்து வந்தது. இதற்கடையில், எனை நோக்கி பாயும் தோட்டா படம் ‘செப்டம்பர் 6-ம் தேதி வெளியீடு’ என்று படக்குழு அறிவித்தது. இந்நிலையில் இந்த படத்தின் மீதான வழக்கு ஒன்றில் பிறப்பிக்கப்பட்ட உத்தரவின் அடிப்படையில் இந்த படம் நாளை ரிலீசாக வாய்ப்பு இல்லை என தகவல் வெளியாகியுள்ளது.
எனை நோக்கி பாயும் தோட்டா படம் ரிலீசாவதில் சிக்கல் நீடிப்பதால், சசி இயக்கத்தில் ஜிவி பிரகாஷ், சித்தார்த் நடிப்பில் உருவாகியுள்ள ‘சிவப்பு மஞ்சள் பச்சை’ படம் நாளை ரிலீசாகும் என படக்குழு அதிகாரப்பூர்வமாக அறிவித்துள்ளது.
For English News
