August 31, 2019 
தண்டோரா குழு
மதராசப்பட்டிணம் படத்தின் மூலம் தமிழ் சினிமாவில் அறிமுகமானவர் நடிகை எமி ஜாக்ஸன். அதன்பின் பல்வேறு முன்னணி நடிகர்களுடன் நடித்த அவர் இறுதியாக ரஜினியுடன் இணைந்து 2.௦ படத்தில் நடித்திருந்தார்.
இதற்கிடையில், எமி ஜாக்ஸன் ஜார்ஜ் பனாயோட்டா என்பரை திருமணம் செய்தார். தற்போது கர்ப்பமாக இருக்கும் எமி ஜாக்ஸன் கர்ப்ப காலத்தை புகைப்பட டைரியாக வெளியிட்டு வருகிறார். கர்ப்ப காலத்தில் உடலில் ஏற்படும் மாற்றம், அந்த நேரங்களில் செய்யப்படும்
உடற்பயிற்சி, சாப்பாட்டு முறை என பலவற்றை பற்றி பதிவுகள் தொடர்ந்து பதிந்து வருகிறார்.
இந்நிலையில், நடிகை எமி ஜாக்சனுக்கு அவருடைய கணவர் ஜார்ஜ் பனாயோட்டா வளைகாப்பு நிகழ்வை நடத்தினார். அந்த விழாவின் எடுத்த சில புகைப்படங்களை தன்னுடைய இன்ஸ்டாகிராம் பக்கத்தில் பதிவிட்டுள்ளார். வளைகாப்பு நிகழ்வு கனவு போல் இருப்பதாக தெரிவித்துள்ளார். எமி ஜாக்சன் நீல நிற உடையில் தாய்மைக்கே உடைய பூரிப்புடன் தோற்றமளித்தார். எனது ஆண் குழந்தையை நல்ல நண்பர்கள் மற்றும் சிறந்த குடும்பத்தினருடன் கொண்டாடும் அழகான பிற்பகல் என்று குறிப்பிட்டிருந்தார். மேலும், தனது மகன் பல அற்புதமான பெண்களைக் தன் வாழ்வில் பெற்ற அதிர்ஷ்டசாலி பையன்…நான் மிகவும் ஆசிர்வதிக்கப்பட்டதாக உணர்வதாக தெரிவித்திருந்தார். வண்ண பலூன்கள் மற்றும் பூக்களுக்கு மத்தியில் நின்று எமி ஜாக்சன் போஸ் கொடுத்தார்.
For English News
