June 21, 2019 
தண்டோரா குழு
உலகக் கோப்பை கிரிக்கெட் தொடர் இங்கிலாந்தில் கடந்த மே 30ம் தேதி துவங்கியது. இந்திய அணி இதுவரை விளையாடிய நான்கு போட்டியில் மூன்றில் வெற்றி பெற்றுள்ளது. நியுசிலாந்திற்கு எதிரான போட்டி மழையின் காரணமாக ரத்து செய்யப்பட்டது. நாளை ஆப்கானிஸ்தான் அணியுடன் இந்திய அணி மோதவுள்ளது.
இதற்கிடையில் இந்திய அணியின் ரன் மெஷின் என அழைக்கப்படும் கேப்டன் கோ நட்சத்திர வீரர் சச்சினின் இமாலய சாதனை ஒன்றை நாளைய போட்டியில் முறியடிப்பாரா என்ற கேள்வி எழுந்துள்ளது. கோலி இதுவரை சர்வதேச போட்டிகளில் 19,896 ரன்கள் குவித்துள்ளார். நாளைய போட்டியில் கோலி 104 ரன்கள் எடுத்தால், விரைவாக 20,000 ரன்கள் சேர்த்த சச்சின் சாதனைகயை முறியடிப்பார்.
இந்திய அணியின் நட்சத்திர வீரர் சச்சின் 20,000 ரன்களை ஸ்கோர் செய்ய 453 இன்னிங்ஸ் எடுத்து கொண்டார். கோலி இதுவரை 415 சர்வதேச போட்டிகளில் பங்கேற்று 19,896 ரன்கள் குவித்துள்ளது குறிப்பிடத்தக்கது. விராட் இதுவரை 131 டெஸ்ட் போட்டிகள், 222 ஒருநாள் போட்டிகள் மற்றும் 62 டி20 போட்டிகளில் பங்கேற்றுள்ளார். இதற்கு முன்னர் கோலி பாகிஸ்தானுக்கு எதிரான ஆட்டத்தில் 57 ரன்களை கடந்ததன் மூலம், அதிவகேமாக 11,000 ரன்களை கடந்தவர் என்ற சச்சினின் சாதனையை முறியடித்தார் என்பது குறிப்பிடத்தக்கது.
For English News
