June 14, 2019 
தண்டோரா குழு
விக்கிரவாண்டி தொகுதி திமுக எம்எல்ஏ ராதாமணி உடல்நலக்குறைவால் காலமானார்.
விழுப்புரம் மாவட்டம் கலிஞ்சிக்குப்பத்தில் பிறந்த ராதாமணி, விக்கிரவாண்டி தொகுதியில் இருந்து திமுக சார்பில் 2016ஆம் ஆண்டில் சட்டமன்ற தேர்தலில் போட்டியிட்டு வெற்றிபெற்றார். விழுப்புரம் மத்திய மாவட்ட திமுக அவைத் தலைவராகவும் இருந்த ராதாமணி, புற்றுநோயால் பாதிக்கப்பட்டு சென்னையில் சிகிச்சை பெற்று அண்மையில் வீடு திரும்பினார். உடல்நிலை மீண்டும் மோசமடைந்ததைத் தொடர்ந்து புதுச்சேரி ஜிப்மர் மருத்துவமனையில் அனுமதிக்கப்பட்ட நிலையில், இன்று காலை சிகிச்சை பலனின்றி மருத்துவமனையிலேயே ராதாமணியின் உயிர் பிரிந்தது.அவருக்கு வயது 69. ராதாமணியின் மரணம் திமுக பிரமுகர்கள் மற்றும் அரசியல் கட்சியினர் மற்றும் தொண்டர்கள் இடையே அதிர்ச்சியை ஏற்படுத்தி உள்ளது.
கு.ராதாமணி மரணம் அடைந்ததால் சட்டப்பேரவையில் திமுக எம்எல்ஏக்களின் எண்ணிக்கை 100ஆக குறைந்தது.
For English News
