May 23, 2019 
தண்டோரா குழு
கோவை மக்களவைத் தேர்தலில் மார்க்சிஸ்ட் கம்யூனிச்ட் கட்சி பி.ஆர்.நடராஜன் 1,79,009 வாக்குகள் வித்தியாசத்தில் வெற்றி பெற்றார்.
17 வது மக்களவை தேர்தலில் பதிவான வாக்குப்பதிவு நாடு முழுவதும் எண்ணப்பட்டு வருகிறது. மத்தியில் பாஜக கூட்டணி அதிக இடங்களில் முன்னிலையில் உள்ளது. தமிழகத்தை பொறுத்தவரையில் திமுக அதிக இடங்களில் முன்னிலையில் உள்ளது. அந்த வகையில் கோவை நாடாளுமன்ற தொகுதியை பொறுத்தவரையில் திமுக கூட்டணியில் இடம்பெறுள்ள மார்க்சிஸ்ட் கம்யூனிஸ்ட் கட்சி சார்பில் பி.ஆர்.நடராஜன் போட்டியிட்டார். பாஜக சார்பில் சி.பி.ராதாகிருஷ்ணன், மநீம சார்பில் டாக்டர்.மகேந்திரன், அமமுக சார்பில் அப்பாதுரை உள்ளிட்டோர் போட்டியிட்டனர்.
இந்நிலையில், சி.பி.எம் வேட்பாளர் பி.ஆர்.நடராஜன் 5,70,514 வாக்குகள் பெற்று 1,79,009 வாக்குகள் வித்தியாசத்தில் வெற்றி பெற்றுள்ளார். பா.ஜ.க வேட்பாளர் சி.பி. ராதாகிருஷ்ணன் 391505 வாக்குகளும், ம.நீ.ம -மகேந்திரன் 1,44,829 வாக்குகளும் அ.ம.மு.க -அப்பாதுரை 38,024 வாக்குகளும், நாம்தமிழர் கட்சி வேட்பாளர் கல்யாண சுந்தரம் 60,400 வாக்குகளும் பெற்றனர். கோவையை பொறுத்தவரை நோட்டாவிற்கு 23,162 பேர் வாக்களித்துள்ளனர்.
For English News
