May 14, 2019 
தண்டோரா குழு
அமைச்சர் ராஜேந்திர பாலாஜி பிணமறுக்கும் இடத்தின் மந்திரியா? என அமமுக செய்தித் தொடர்பாளர் புகழேந்தி கேள்வி எழுப்பியுள்ளார்.
கோவையில் செய்தியாளர்களிடம் பேசிய அவர்,
கமல் பிரச்சாரத்தின் போது எப்படி பேச வேண்டும் என தெரியாமல் பேசுகின்றார்.அமைச்சர் பதவியில் இருப்பவர் நாக்கை அறுத்துவிடுவோம் என்று பேசுவது சரியல்ல.கமலஹாசன் கருத்து தவறு என்றால் தேர்தல் ஆணையத்தில் புகார் கொடுக்கலாம் தவிர, அமைச்சர் ராஜேந்திர பாலாஜி பிணமறுக்கும் இடத்தின் மந்திரியா? தமிழகத்தின் மந்திரியா? எனவும் இதை பார்த்து விட்டும் முதல்வர் அமைதியாக இருப்பது ஏன் என கேள்வி எழுப்பினார். அமைச்சர் ராஜேந்திர பாலாஜியை உடனடியாக கைது செய்ய வேண்டும் லூசு பயலை, மந்திரி பதவிக்கு தகுதியில்லைன்னு சொல்லி கைது பண்ணிடவேண்டும்.அவர் நாளைக்கு முதல்வரை நாக்கறுப்பேன் என்று கூட சொல்லாம்.
தெலுங்கானா முதல்வர் சந்திரசேகர ராவ் மூன்றாவது அணி எல்லாம் கிடையாது. பா.ஜ.கவின் ஜால்ரா என விமர்சித்த அவர், ராகுல் காந்தியை பிரதமர் வேட்பாளராக அறிவித்து விட்டு ஸ்டாலின் ஏன் சந்திரசேகர ராவை சந்திக்கின்றார்.ஸ்டாலின் சந்திரசேகர்ராவ் சந்திப்பு குழப்பமான சந்திப்பாகவே நாங்கள் கருதுகின்றோம். நாக்கறுப்பேன் என்று பேசும் அமைச்சர் ராஜேந்திபாலாஜியின் கருத்தை ஏன் பா.ஜ.க மாநில தலைவர் தமிழிசை கண்டிக்கவில்லை. ஜெ சாவில் மர்மம் என தெரிவிக்கும் ஓ.பி.எஸ், ஏன் ஆறுமுகசாமி விசாரணை ஆணையத்தில் ஆஜராகவில்லை முதல்வர் இப்பொழுதெல்லாம் ஸ்டாலின், தினகரனுக்கு பதில் சொல்வதில்லை. உதயநிதி ஸ்டாலினுக்கு மடடும் பதில் சொல்கிறார். அந்த அளவிற்கு தரம் தாழ்ந்து போய்விட்டார்.
முதல்வர் பதவி கொடுத்தது சசிகலாவா? இல்லையா? என்பதை முதல்வர் பழனிச்சாமி விளக்க வேண்டும். 23 ம் தேதி தேர்தல் முடிவிற்கு பின்னர் முதல்வர் எவ்வளவு பாலங்களில் என்ன மோசடி என்பது குறித்த பட்டியலை வெளியிடுவோம். அதனை தொடர்ந்து 4 அல்லது 5 அமைச்சர்கள் சிறைக்கு போவதை யாராலும் தடுக்க முடியாது.
இவ்வாறு அவர் பேசினார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
