September 28, 2016 
தண்டோரா குழு
உடல்நலக்குறைவால் மருத்துவமனையில் அனுமதிக்கபட்டிருக்கும் தமிழக முதல்வர் ஜெயலலிதாவை நடிகர்கள் நாசர் மற்றும் மனோபாலா ஆகிய இருவரும் இன்று சந்தித்து நலம் விசாரித்தனர்.
தமிழக முதலவர் ஜெயலலிதா உடல்நலக்குறைவால் கடந்த வாரம் சென்னை அப்பல்லோ மருத்துமனையில் சிகிச்சைக்காக அனுமதிக்கப்பட்டார். அங்கு அவருக்கு மருத்துவர்கள் தீவிரமாக சிகிச்சை அளித்து வருகின்றனர். மேலும், முதலவர் நலமாக இருக்கிறார் என்றும் வழக்கம்போல் உணவு எடுத்துகொண்டார் என்றும் மருத்துவர்கள் தெரிவித்து வருகிறார்கள். இருப்பினும் கடந்த சில நாட்களாக முதல்வர் உடல்நிலை குறித்து பல்வேறு வதந்திகள் பரவி வருகின்றன.
இந்நிலையில், மருத்துவமனையில் உள்ள முதல்வர் ஜெயலலிதாவை இன்று தென்னிந்திய நடிகர்கள் சங்கத் தலைவர் நாசர் மற்றும் இயக்குனர் மனோபாலா ஆகிய இருவரும் சந்தித்து நலம் விசாரித்தனர்.
For English News
