April 29, 2019 
தண்டோரா குழு
மோசடி புகாரை திரும்பப்பெற கூறி பெண்ணிற்கு மிரட்டல் விடுவிப்பது போன்ற ஆடியோவில் பேசியது தான் இல்லை என்றும், பொள்ளாச்சி பாலியல் வழக்கை சிபிஐ விசாரித்து வரும் நிலையில், தன்னை சிக்க வைப்பதற்காக இந்த மாதிரி நாடகம் ஆடப்படுவதாக பார் நாகராஜ் தெரிவித்துள்ளார்.
கோவை மாவட்டம் ஆனைமலையை சேர்ந்த விஜய் என்பவர் கோகிலா மற்றும் அவரது கணவர் சம்பத் மீது கொடுத்த மோசடி புகாரை திரும்பப்பெற கூறி விஜயின் மனைவி ஜூலியன்ராயர் என்பவரை செல்போனில் பொள்ளாச்சியை சேர்ந்த பார் நாகராஜ் மிரட்டல் விடுப்பது போன்ற ஆடியோ 28 ஆம் தேதி வெளியானது. இந்த ஆடியோ விவகாரம் தொடர்பாக கோவை மாவட்ட காவல் கண்காணிப்பாளர் அலுவலகத்தில் பார் நாகராஜன் புகார் அளித்தார்.
பின்பு செய்தியாளர்களிடம் பேசிய பார் நாகராஜ்,
இந்த ஆடியோவில் பேசுவது தான் இல்லையென்றும், ஆடியோவில் குறிப்பிடப்படும் விஜய் மற்றும் ஜூலியன்ராயர் மீது தான் கோகிலா பொள்ளாச்சி நகர காவல் நிலையத்தில் புகார் அளித்துள்ளதாகவும், தன்னுடைய நண்பரின் உறவினரான கோகிலா இதுதொடர்பாக தன்னிடம் வந்தபோது காவல் நிலையத்தில் புகார் அளிக்க சொன்னதே தான் என்றும் தெரிவித்தார். மேலும், ஊடகத்தை சேர்ந்த (நக்கீரன் செய்தியாளர் அருள்குமரன்) என்பவர் தன்னிடம் இதுகுறித்து பேசிய அடுத்த நாள் ஆடியோ வெளியாகி உள்ளதால், அவரையும், அந்த பெண்ணையும் விசாரித்து நடவடிக்கை எடுக்க வலியுறுத்தி புகார் மனு அளித்துள்ளதாக கூறினார். மேலும், உரிய நடவடிக்கை எடுப்பதாக மாவட்ட காவல் கண்காணிப்பாளர் அலுவலகத்தில் தெரிவித்துள்ளதாகவும் கூறியுள்ளார்.
முன்னதாக, கடந்த பிப்ரவரி மாதம் பொள்ளாச்சியில் பெண்கள் ஆபாச வீடியோ எடுத்து மிரட்டப்படுவதாக புகார் அளித்த பெண்ணின் சகோதரரை தாக்கிய வழக்கில் கைதாகி ஜாமினில் வெளியே உள்ள பார் நாகராஜ் அதிமுகவிலிருந்து நீக்கப்பட்டார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
