April 4, 2019 
தண்டோரா குழு
கோவையில் கபடி பயிற்சி பெற வந்த 19 வயது கல்லூரி மாணவிக்கு பாலியல் தொல்லை கொடுத்ததாக கபடி பயிற்சியாளர் மகன் கைது செய்யப்பட்டுள்ளார்.
கோவையில் கபடி பயிற்சியாளராக இருந்துவரும் விஸ்வநாதன் என்பவரிடம் கோவை ராஜவீதியை சேர்ந்த 19 வயது கல்லூரி மாணவி கபடி பயிற்சி மேற்கொண்டு வருகிறார். மேலும் சில மாணவிகளும் விஸ்வநாதனிடம் பயிற்சி பெற்று வருகின்றனர். இந்நிலையில் பயிற்சியாளர் பயிற்சிக்கு வரும் மாணவிகளை வீட்டிற்கு வரச்சொல்லி வீட்டு வேலைகளில் ஈடுபடுத்தியுள்ளதாக கூறப்படுகிறது. இதற்கிடையே பயிற்சியாரின் மகன் சஞ்சீவ்குமார் வீட்டிற்கு வந்த குறிப்பிட்ட மாணவியிடம் சில்மிஷ வேலைகளில் ஈடுபட்டதாகவும் கூறப்படுகிறது. இதனை தொடர்ந்து பாதிக்கப்பட்ட மாணவியின் புகாரின் பேரில் நேரிலும், செல்போனிலும் தவறாக பேசி பாலியல் தொல்லை கொடுத்த கபடி பயிற்சியாளர் மகனான சுந்தராபுரத்தை சேர்ந்த சஞ்சீவ்குமார் என்பவரை போத்தனூர் காவல்துறையினர் கைது செய்தனர். அவரின் மீது (294 பி) பொது இடத்தில் கெட்டவார்த்தையில் பேசுவது, (506(1) கொலை மிரட்டல், பெண்ணை பாலியல் தொல்லைப்படுத்தும் தடுப்பு சட்டம் 2002 ஆகிய பிரிவுகளில் வழக்குப்பதிவு செய்யப்பட்டுள்ளது.
இந்நிலையில், புகாரை திரும்பப்பெற கூறி புகார் அளித்த பெண்ணின் வீட்டிற்கு சென்று கைதான நபரின் உறவினர்கள் தகராறு செய்ததாக பாதிக்கப்பட்ட கல்லூரி மாணவி வெரைட்டி ஹால் காவல் நிலையத்தில் புகார் அளித்துள்ளார். மேலும் கைது செய்யப்பட்ட சஞ்சீவ்குமாரின் அப்பா விஸ்வநாதன் மற்றும் அவர் குடும்பத்தினர் கொலை மிரட்டல் விடுப்பதாகவும், பொள்ளாச்சி வழக்கில் பாதிக்கப்பட்ட பெண் என கூறிவிடுவோம் என மிரட்டுவதாகவும் கல்லூரி மாணவி மாநகர காவல் ஆணையர் அலுவலகத்தில் புகார் கொடுத்துள்ளார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
