March 25, 2019 
தண்டோரா குழு
கோவை வெள்ளலூர் மாநகராட்சி குப்பை கிடங்கில் கடந்த 3 நாட்களாக எரிந்து வரும் தீயை அணைக்க விமானப்படை ஹெலிகாப்டர் வரவழைக்கப்பட்டுள்ளது.
கோவை மாநகராட்சியில் உள்ள 100 வார்டுகளில் சேகரிக்கப்படும் குப்பைகள் கோவை வெள்ளலூர் பகுதியில் உள்ள குப்பை கிடங்கில் கொட்டப்பட்டு வருகிறது. அங்கு கொட்டப்படும் குப்பைகள் தரம் பிரிக்கப்பட்டு திடக்கழிவு மேலாண்மை செயல்படுத்தப்பட்டு வருகிறது. பல நூறு ஏக்கர் பரப்பளவில் அமைந்துள்ள இந்த குப்பை கிடங்கில் பல ஆயிரம் டன் குப்பைகள் கொட்டப்பட்டு உள்ளது. இந்த குப்பை கிடங்கில் நேற்று மாலை திடீரென தீப்பிடித்தது. இதனை தொடர்ந்து குப்பை கிடங்கு முழுவதும் பரவிய தீ விடிய விடிய கொழுந்துவிட்டு எரிந்தது. இதனால் அந்த பகுதியே புகை மூட்டமாக காட்சியளிப்பதால் அப்பகுதிவாசிகளும் குழந்தைகளும் கடும் சிரமத்திற்கு ஆளாகியுள்ளனர்.
தகவலறிந்து குப்பை கிடங்கை பார்வையிட்ட மாநகராட்சி ஆணையாளர், மாவட்ட ஆட்சியர் ஆகியோர் தீயை அணைக்கும் பணியை பார்வையிட்டு துரிதப்படுத்துமாறு தீயணைப்பு வீரர்களுக்கும் மாநகராட்சி அதிகாரிகளுக்கும் அறிவுறுத்தினர். தீயை கட்டுப்படுத்தும் பணியில் 40க்கும் மேற்பட்ட தீயணைப்பு வாகனங்கள் ஈடுபட்டுள்ளன. மேலும் 200க்கும் மேற்பட்ட தீயணைப்பு வீரர்கள் தீயை அணைக்க போராடி வருகின்றனர். இந்நிலையில் எரிந்து வரும் தீயை அணைக்க சூலூர் விமான படைக்கு சொந்தமான ஒரு ஹெலிகாப்டர் வரவழைக்கப்பட்டுள்ளன.
ஹெலிகாப்டரில் தண்ணீர் கொண்டுவரப்பட்டு குப்பை கிடங்கில் எரியும் தீ மீது ஊற்றப்பட்டு வருகிறது. இரண்டு நாட்களாக தீயணைப்பு வீரர்கள் போராடி தீயை அணைக்க முடியாததால் ஹெலிகாப்டர்கள் பயன்படுத்தப்பட்டுள்ளதாகவும் விரைவில் முழுமையாக தீயை அணைக்கப்படும் எனவும் மாநகராட்சி அதிகாரிகள் தெரிவித்துள்ளனர்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
