February 23, 2019 
தண்டோரா குழு
பிரபல ஹாலிவுட் படமான ஹேங்கோவரில் நடித்திருந்த காமெடி நடிகர் ப்ரோடி ஸ்டீவன்ஸ், அமெரிக்காவின் லாஸ் ஏஞ்சலஸ் நகரில் உள்ள அவரது இல்லத்தில், தூக்கிட்டு தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.
அமெரிக்காவின் பிரபல காமெடியனான ப்ரோடி ஸ்டீவன்ஸ்(48), ஹாலிவுட்டில் சூப்பர்ஹிட்டான ஹேங்கோவர் 1 மற்றும் 2 திரைப்படங்களில் நடித்திருந்தார். ஹேங்கோவரில் முக்கிய கதாபாத்திரத்தில் நடித்திருந்த ஜாக் கலிபினாக்கிஸின் நெருங்கிய நண்பரான இவர், அவருடன் சேர்ந்து தொலைகாட்சி நிகழ்ச்சிகளிலும், யூடியூப்பிலும், ஸ்டாண்ட்அப் காமெடி நிகழ்ச்சிகளிலும் பணியாற்றியுள்ளார்.
ஏற்கனவே, மன அழுத்தம் காரணமாக அவர் மருத்துவ உதவியை பெற்று வந்ததாக கூறப்படுகிறது. அது தொடர்பாக ஒரு விழிப்புணர்வு நிகழ்ச்சியில் கூட நடித்திருந்தார். இந்நிலையில், நேற்று லாஸ் ஏஞ்சலஸ் நகரில் உள்ள அவரது இல்லத்தில் வைத்து, ஸ்டீவன்ஸ் தூக்கிட்டு தற்கொலை செய்து கொண்டார். இவரது மரணம் ஹாலிவுட்டை சோகத்தில் ஆழ்த்தியுள்ளது.
For English News
