February 20, 2019 
தண்டோரா குழு
இணைய உலகில் பல முன்னேற்றங்கள் வந்த நிலையில், அதனுடன் தொழில்நுட்பமும் மடமடவென வளர்ந்து வருகிறது. புதுப்புது விளையாட்டு செயலிகள் குழந்தைகள், இளம் தலைமுறையினர் இடையே பரவிக் கிடக்கின்றன. அதில், தற்போது டாம்பன் ரன் என்ற விளையாட்டும் அடங்கும்.
இதில், அப்படி என்ன சிறப்பு என்றால், மாதவிடாய் பற்றிய தவறான கண்ணோட்டத்தைப் போக்கும் நோக்கில் இரு பள்ளி மாணவிகள் வீடியோ கேம் ஒன்றை உருவாக்கியுள்ளனர். இந்த விளையாட்டில், லூனா என்ற பெண், தன் எதிரிகளுடன் போராடிக்கொண்டே ஓடுகிறாள். எதிரிகளின் பலவீனம் என்னவென்றால், அவர்கள் மாதவிடாயை வெறுப்பவர்கள்.
கிழவிகள் சொல்லும் கதைகளில், ஆண்கள் மாதவிடாய் வெறுப்புடன் இருப்பவர்கள் என சொல்லி கேள்விப்பட்டிருப்போம். அதை தான் இந்த விளையாட்டில் மையப்படுத்தியிருக்கிறார்கள். அதில், ஓடும் லூனா தன் எதிரே வரும் அவர்களுடன் மோதிக்கொள்ளாமல் பயணிக்க வேண்டும். அப்போது, அவர்களை விலகிப்போக வைக்க அவர்களை நோக்கி நாப்கின்களை வீசலாம் அல்லது துள்ளிக்குதித்து அவர்கள் மீது மோதுவதைத் தவிர்க்கலாம். இடையிடையே கிடைக்கும் நாப்கின்களை துள்ளிக்குதித்து எடுத்துக்கொண்டே ஓட வேண்டும்.
இதில், எதிரே வரும் ஒருவர் மீது மோதினால் லூனாவிடமிருந்து இரண்டு நாப்கின்கள் குறைந்துவிடும். மோதாமல் ஒரு நாப்கினை வீசி விரட்டினால் லூனாவுக்கு விளையாட்டில் ஒரு புள்ளி கிடைக்கும். இந்நிலையில், நாப்கின் தீர்ந்துவிட்டால் லூனாவின் ஓட்டம் முடிந்துவிடும்.
இந்த விளையாட்டு, ஆண்கள் மத்தியில், மாதவிடாய் இயற்கையான நிகழ்வுதான் என்பதை புரிய வைக்க உதவியாக இருக்கும் என எதிர்பார்க்கப்படுகிறது.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
