February 6, 2019 
தண்டோரா குழு
தமிழக முதலமைச்சர் எடப்பாடி பழனிச்சாமிக்கு, கோவை பேரூராதினம் சார்பில் கொங்கு மாவேள் விருது வழங்கப்பட்டது
கோவை மாவட்டம் முதலிபாளையம் பகுதியில் பேரூராதீனம் சீர்வளர்சீர் சாந்தலிங்க இராமசாமி அடிகளார் அறக்கட்டளையின் சார்பில் சாந்தலிங்கர் மருத்துவமனை கட்டப்பட உள்ளது. தமிழக முதலமைச்சர் எடப்பாடி பழனிசாமி சாந்தலிங்கர் மருத்துவமனை அடிக்கல் நாட்டு விழாவில் கலந்து கொண்டு, அடிக்கல் நாட்டினார். அப்போது, கோவை பேரூராதினம் சார்பில் தமிழக முதலமைச்சர் எடப்பாடி பழனிசாமிக்கு கொங்கு மாவேள் விருது வழங்கப்பட்டது.
இவ்விருதினை பேரூராதினம் சாந்தலிங்க மருதாசல அடிகாளர் வழங்க, முதலமைச்சர் எடப்பாடி பழனிசாமி பெற்று கொண்டார்.
நிகழ்ச்சியில் பேசிய எடப்பாடி பழனிசாமி,
தரமான மருத்துவ சேவை மக்களுக்கு கிடைக்கும் வகையில் தமிழக அரசு சிறப்பாக செயல்பட்டு வருகிறது. சுகாதார துறைக்கு தமிழக அரசு அதிக நிதி ஒதுக்கி வருவதாக கூறிய அவர், கடந்த 8 ஆண்டுகளில் சுகாதார துறைக்கு தமிழக அரசு 62 ஆயிரம் கோடி ரூபாயை ஒதுக்கியுள்ளது என தெரிவித்தார். மேலும், மருத்துவ சுற்றுலா தளமாக தமிழகம் விளங்கி வருகிறது எனவும், மக்கள் அரசு மருத்துவனைகளில் சிகிச்சை பெற அதிகளவில் வருவதாகவும் அவர் கூறினார். சாந்தலிங்கர் மருத்துவமனையினால் சுற்றுப்புற மக்கள் குறைந்த கட்டணத்தில் மருத்துவ சேவை பெற்று பயனடைவார்கள் எனவும், ஏழை, எளிய மக்களுக்காக சேவையாற்றுவது போற்றுதலுக்கு உரிய செயலாகும் என தெரிவித்தார்.
இந்நிகழ்ச்சியில் சபாநாயகர் தனபால், உள்ளாட்சி துறை அமைச்சர் எஸ்.பி.வேலுமணி உள்ளிட்டோர் பங்கேற்றனர்.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
