January 24, 2019 
தண்டோரா குழு
ஆசிரியர்கள் போராட்டத்தால் கோவையில் மாநகராட்சிக்குட்பட்ட பள்ளியில் எம்.எல்.ஏ. அம்மன் அர்ச்சுணன் மாணவர்களுக்கு பாடம் நடத்திய நிகழ்வு அனைவரிடத்திலும் பாராட்டை பெற்றது.
9 அம்ச கோரிக்கைகளை வலியுறுத்தி ஜக்டோ – ஜியோ அமைப்பினர் 3-வது நாளாக போராட்டத்தில் ஈடுபட்டு வருகின்றனர். அரசு ஊழியர்கள், ஆசிரியர்களின் 3-வது நாள் வேலை நிறுத்தத்தால் அரசு பணிகள், பள்ளி மாணவர்களின் படிப்பு பாதிக்கப்பட்டு வருகிறது. பள்ளிகளை மூடிவிட்டு ஆசிரியர்கள் போராட்டத்தில் ஈடுபட்டு வருவதால் மாணவர்கள் வீடுகளுக்கு திருப்பி அனுப்பப்பட்டனர். ஒரு சில இடங்களில் ஆசிரியர்கள் வராததால் மாணவர்கள் மட்டுமே பாடம் நடத்தும் நிலை இருந்து வருகிறது.
இந்நிலையில், கோவை தெற்கு தொகுதிக்கு உட்பட்ட 82வது வார்டு பேட்டை ஆரம்பப்பள்ளியில் ஆசிரியர்கள் பணிக்கு வராமல் போராட்டத்தில் ஈடுபட்டுள்ளதால் ஆசிரியர் இல்லாத சூழல் ஏற்பட்டது. இதையறிந்த கோவை தெற்கு தொகுதி எம்.எல்.ஏ அம்மன் அர்ஜூனன் பள்ளிக்கு சென்று பள்ளி குழந்தைகளுக்கு பாடம் நடத்தி அனைவரையும் வியப்பில் ஆழ்த்தினார். புதிதாக தொடங்கப்பட்ட எல்.கே.ஜி, யு.கே.ஜி மாணவர்களுக்கு உயிரெழுத்துக்கள் மற்றும் ஆங்கில எழுத்துக்களை சொல்லி கொடுத்தார். மேலும், மாணவர்களை எழுதிக் காட்ட சொல்லியும், வாசிக்க சொல்லவும் வைத்தார்.
பள்ளி மாணவர்களின் நலனை கருத்தில் கொண்டு உடனடியாக ஆசிரியர்கள் பணிக்கு திரும்ப வேண்டும் என தெரிவித்தார். இதையடுத்து, சட்டமன்ற உறுப்பினர் ஆசிரியாக மாறி வகுப்பு எடுத்ததை பொதுமக்கள் வெகுவாக பாராட்டி வருகின்றனர்.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
