January 23, 2019 
தண்டோரா குழு
கோடநாடு கொலை மற்றும் கொள்ளை விவகாரத்தில் உரிய நேரத்தில் ஆதாரங்கள் வெளியிடப்படும் என தெஹல்கா முன்னாள் ஆசிரியர் மேத்யூஸ் சாமுவேல் கூறியுள்ளார்.
முன்னாள் முதல்வர் ஜெயலளிதாவிற்கு சொந்தமான கோடநாடு எஸ்டேட்டில் நடந்த கொலை மற்றும் கொள்ளையில் முதலமைச்சர் எடப்பாடி பழனிசாமிக்கும் தொடர்பு இருப்பதாக தெஹல்கா முன்னாள் ஆசிரியர் மேத்யூஸ் சாமுவேல் ஆவணப்படம் வெளியிட்டது புயலைக் கிளப்பியுள்ளது. இதற்கு முதலமைச்சர் எடப்பாடி பழனிசாமி மறுப்பு தெரிவித்துள்ளார். இந்த விவகாரம் தற்போது அரசியல் வட்டாரத்தில் பெரும் பரபரப்பை கிளப்பியுள்ளது.
இந்நிலையில், சென்னை வந்துள்ள தெஹல்கா முன்னாள் ஆசிரியர் மேத்யூ சாமுவேல்ஸ் விமான நிலையத்தில் செய்தியாளர்களை சந்தித்தார்.
அப்போது, எதுவும் திட்டத்துடன் சென்னை வந்துள்ளீர்களா என கேள்வி எழுப்பப்பட்டது. அதற்கு ஆம், ஒரு திட்டத்துடன் தான் வந்திருப்பதாக சாமுவேல் பதில் அளித்தார். தொடர்ந்து கோடநாடு கொலை கொள்ளை விவகாரத்தில் தனக்கு எந்த தொடர்பும் இல்லை என்று முதலமைச்சர் கூறி வருவது குறித்து மாத்யூவிடம் கேள்வி எழுப்பப்பட்டது. அதற்கு ஆதாரங்கள் உரிய நேரத்தில் வெளியிடப்படும் என்று சாமுவேல் பதில் அளித்தார்.
மேலும், இந்த விவகாரம் தொடர்பாக சிபிஐ விசாரணை கோர இருப்பதாவும் கோடநாடு விவகாரம் தொடர்பாக தன்னிடம் பல்வேறு ஆவணங்கள் இருப்பதாகவும் கூறிய அவர் தான் சொல்லிக் கொடுத்து சயன் மனோஜ் பேசவில்லை.கேரளாவில் இருக்கும் சயனை யார் வேண்டுமானாலும் பேட்டி எடுத்துக்கொள்ளலாம். தன்னை பின்னால் இருந்து யாரும் இயக்கவில்லை என மேத்யூ தெரிவித்துள்ளார்.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
