January 12, 2019 
தண்டோரா குழு
கிருஷ்ணா – பிந்து மாதவி நடிப்பில் கடந்த 2012-ம் ஆண்டு இயக்குநர் சத்யசிவா இயக்கத்தில் வெளியான படம் கழுகு. இப்படத்தில் தம்பி ராமையா, கருணாஸ் உள்ளிட்டோரும் முக்கிய கதாபாத்திரத்தில் நடித்திருந்தனர்.
இப்படம் வசூல் ரீதியிலும் ரசிகர்கள் மத்தியில் நல்ல வரவேற்பை பெற்றது. இதையடுத்து, தற்போது இப்படத்தின் இரண்டாவது பாகம் ‘கழுகு 2’ என்ற பெயரில் உருவாகி இருக்கிறது. கிருஷ்ணா, காளி வெங்கட், பிந்துமாதவி உள்ளிட்டோர் நடித்துள்ள இந்தப் படத்தை சத்யசிவாவே இயக்கியுள்ளார். படத்தின் படப்பிடிப்பு பணிகள் முடிவடைந்துள்ள நிலையில் தணிக்கையில் ‘யு’ சான்றிதழ் கிடைத்துள்ளது.
இந்நிலையில், யுவன்சங்கர் ராஜா இசையமைத்துள்ள இப்படத்தில் இடம்பெற்றுள்ள சகலகலா வள்ளி என தொடங்கும் பாடலை படக்குழுவினர் வெளியிட்டுள்ளனர். இப்பாடலில் பிக்பாஸ் 2 புகழ் நடிகை யாஷிகா ஆனந்த் கிருஷ்ணாவுடன் நடனமாடியுள்ளர். விரைவில் இந்தப் படத்தின் ரிலீஸ் தேதிஅறிவிக்கப்படும் என்று எதிர்பார்க்கப்படுகிறது.
For English News
