December 18, 2018 
தண்டோரா குழு
ரஜினியின் ஆஸ்தான மேக்கப் மேன் முத்தப்பா இன்று காலமானார். அவரது உடலுக்கு ரஜினி நேரில் அஞ்சலி செலுத்தினார்.
தமிழ் சினிமாவில் 70 வருடங்களை கடந்த பழைமையான தாரிப்பு நிறுவனம் ஏவிஎம் . இந்நிறுவனம் மூலம் ஏராளமான படங்களை தயாரித்த ஏவி.மெய்யப்பச் செட்டியார் மூலம் தமிழ் மேக்கப் மேனாக அறிமுகமானவர் முத்தையா. இவருக்கு ஏவிஎம் முத்தப்பா என்ற செல்ல பெயரும் உண்டு. ‘ஏவிஎம்’ முத்தப்பா என்றால் தென்னிந்திய சினிமாவில், தெரியாதவர்கள் இருக்க முடியாது. ‘பராசக்தி’ படத்தில் சிவாஜி கணேசனுக்கு முதன்முதலாக ஒப்பனை செய்த இவர், கமலஹாசனின் முதல் படமான களத்தூர் கண்ணம்மா’ உள்பட பல படங்களில் ஒப்பனையாளராகப் பணியாற்றியவர்.
60 ஆண்டுகளாக ஹீரோ-ஹீரோயின்களுக்கு மேக்-அப் போட்டு ஜொலித்த முத்தப்பா, எம் ஜி.ஆர்., சிவாஜி, ரஜினிகாந்த், கமலஹாசன், ராஜ்குமார் போன்ற முன்னணி கதாநாயகர்கள் முதல் தற்போது உள்ள திரிஷா வரை பலருக்கும் மேக்கப் மேனாக பணியாற்றியுள்ளார். ஒரு கட்டத்தில் ரஜினியின் பர்சனல் மேக்-அப் மேனாக மாறி அவரிடம் மட்டுமே பணியாற்றத் துவங்கினார். அத்துடன் ரஜினி நடித்த சில படங்களில் நகைச்சுவை பாத்திரங்களில் நடிக்கவும் செய்தார். இவரை பற்றி ஒப்பனைகாரன் என்ற புத்தகமே வெளிவந்துள்ளது.
இந்நிலையில், புகழ்பெற்ற மேக்-அப் மேன் முத்தப்பா இன்று காலை உடல் நலக்குறைவால் காலமானார். அவரது உடலுக்கு திரையுலைகைச் சேர்ந்த பலரும் அஞ்சலி செலுத்தி வருகின்றனர். நடிகர் ரஜினிகாந்தும் அவரது உடலுக்கு நேரில் சென்று அஞ்சலி செலுத்தினார்.
முதியோர்களுக்கான நட்சத்திர விடுதி பாணியில் ஒரு பிரத்யேக தங்கும் விடுதித் திட்டம் நிவாசன் ஹாஸ்பிடாலிட்டி நிறுவனம் சார்பில் அறிமுகம்!
கோயம்புத்தூர் மராத்தான் 2025-ன் 13- வது பதிப்பு ; உலகம் முழுவதும் இருந்து 25,000-க்கும் மேற்பட்டோர் பங்கேற்றனர் !
குமரகுரு கல்லூரியில் குமரகுரு தொழில்நுட்ப ஜவுளி ஆராய்ச்சி மையம் திறப்பு
கோவையில் இந்தியன் வங்கி நடத்தும் சர்ஃபாசி சொத்து விற்பனை மற்றும் கண்காட்சி துவங்கியது
100-க்கும் மேற்பட்ட மாற்றுத்திறனாளி குழந்தைகளுக்கு செயற்கை கால்கள் வழங்கிய கோவை டவுன்டவுன் ரோட்டரி சங்கம்
சந்தை வளர்ச்சியுடன் கூடிய ஆயுள் காப்பீடு வழங்கும் ‘மல்டிகேப் ஆப்பர்ச்சூனிட்டீஸ் பண்ட்’: டாடா ஏஐஏ அறிமுகம்
For English News
