December 15, 2018 
தண்டோரா குழு
சாமானிய மக்களுக்காக உருவாக்கப்பட்ட போக்குவரத்து கழகங்களுக்கு மூடுவிழா நடத்த அதிமுக அரசு முயற்சிப்பதாக திமுக தலைவர் மு.க.ஸ்டாலின் கண்டனம்
தெரிவித்துள்ளார்.
திமுக தலைவர் ஸ்டாலின் வெளியிட்ட அறிக்கையில்,
சாமான்ய மக்களுக்காக உருவாக்கப்பட்ட போக்குவரத்து கழகத்தில் ஜூனியர் அதிகாரிகளை நியமித்து மூட முயற்சி நடக்கிறது. போக்குவரத்து கழகத்தில் ஜூனியர் அதிகாரிகள் இன்சார்ஜ் மேலாண் இயக்குநர்களாக நியமனம் செய்யப்பட்டுள்ளனர். போக்குவரத்து கழகத்தில் சீனியர்களை புறக்கணிப்பது அதிருப்தியை உருவாக்கி உள்ளது. ஜூனியர்கள் நியமனத்தை உடனடியாக ரத்து செய்ய வேண்டும். சீனியாரிட்டி அடிப்படையில், மூத்த அதிகாரிகளை போக்குவரத்து கழக மேலாண் இயக்குநர்களாக நியமிக்க வேண்டும். ஜூனியர் அதிகாரிகள் நியமனம் போக்குவரத்து கழகங்களை அடியோடு திவாலாக்கும் முயற்சியா என சந்தேகம் எழுகிறது.
இவ்வாறு அறிக்கையில் கூறப்பட்டுள்ளது.
For English News
