December 1, 2018 
தண்டோரா குழு
தமிழக அரசால் மட்டும் தமிழ் ராக்கர்ஸை ஒழிக்க முடியாது என அமைச்சர் கடம்பூர் ராஜூ கூறியுள்ளார்.
கோலிவுட்டில் எந்த புதிய படம் இறங்கினாலும் சொல்லி வைத்து முதல் நாளிலேயே திருட்டுதனமாக தமிழ் ராக்கர்ஸ் இணையதளம் வெளியிட்டு வருகிறது. ஷங்கர் இயக்கத்தில் ரஜினிகாந்த் நடித்துள்ள 2.0 படத்தையும் நீதிமன்ற உத்திரவையும் மீறி அந்த இணையதளம் வெளியிட்டது.
இது தமிழ் திரையுலகில் பெருத்த அதிர்ச்சியை ஏற்படுத்தியுள்ளது.
இந்த நிலையில், செய்தியாளர்களிடம் பேசிய அமைச்சர் கடம்பூர் ராஜூ ,
தமிழ் ராக்கர்சை தமிழக அரசால் மட்டும் ஒழிக்க முடியாது. தயாரிப்பாளர்கள், விநியோகஸ்தர்கள் மற்றும் திரையரங்கு உரிமையாளர்கள் போன்றோர் இணைந்து வந்தால் மட்டுமே ஒழிக்க முடியும்.திருட்டு வி.சி.டி.யை ஒழிக்க தனி சட்டம் உள்ளது. அதனை நடைமுறைப்படுத்த அனைவரும் ஒத்துழைக்க வேண்டும் என கூறியுள்ளார்.
For English News
