November 26, 2018 
தண்டோரா குழு
விடுதலை புலிகள் இயக்க தலைவர் பிரபாகரன் பிறந்தநாளை முன்னிட்டு,கோவையில் தந்தை பெரியார் திராவிடர் கழகத்தினர் பட்டாசு வெடித்தும்,கேக் வெட்டியும் கொண்டாடினர்.
தமிழீழ விடுதலை புலிகள் இயக்க தலைவர் பிரபாகரன் பிறந்த நாள் இன்று கொண்டாடப்படுகிறது.அதன் ஒரு பகுதியாக கோவை காந்திபுரம் பெரியார் படிப்பகத்தில் தந்தை பெரியார் திராவிடர் கழகம் சார்பில் பிரபாகரன் பிறந்த நாள் விழா கொண்டாடப்பட்டது.பட்டாசு வெடித்தும்,கேக் வெட்டியும் கொண்டாடிய அவ்வமைப்பினர், பிரபாகரனை வாழ்த்தியும்,தமிழீழம் மலரும் எனவும் முழக்கங்களை எழுப்பினர்.
இதைதொடர்ந்து பொதுமக்களுக்கு கேக்குகளை வழங்கினர்.விடுதலை புலிகளுக்கும்,தமிழீழத்திற்கும் தொடர்ந்து ஆதரவு அளிப்போம் எனவும்,விரைவில் தமிழீழம் மலரும் எனவும் தபெதிகவினர் தெரிவித்தனர்.
For English News
