November 23, 2018 
தண்டோரா குழு
கோவை முக்கிய கடைவீதி பகுதியில் திறக்கப்படவுள்ள புதிய டாஸ்மாக் கடைக்கு எதிர்ப்பு தெரிவித்து அப்பகுதி மக்கள் ஆர்ப்பாட்டம் ஈடுபட்டனர்.
கோவை காந்திபுரம் 6வது வீதியில் புதிய டாஸ்மாக் கடைக்கான பெயர் பலகை வைக்கப்பட்டுள்ளது. வரும் நாட்களில் அந்த கட்டிடத்தில் புதிய டாஸ்மாக் கடை திறக்கப்படவுள்ளதாக கூறப்படுகிறது.
இதையடுத்து, அதற்கு எதிர்ப்பு தெரிவித்து அப்பகுதியில் உள்ள பெண்கள் உட்பட 3௦க்கும் மேற்பட்டோர் கடை முன்பு ஆர்பாட்டத்தில் ஈடுபட்டனர். அப்போது, கோவை நகரின் முக்கிய கடைவீதி பகுதியில் திறக்கப்படவுள்ள இந்த டாஸ்மாக் கடையினால், கடைவீதிக்கு வரும் பொதுமக்கள் மிகுந்த சிரமத்துக்கு உள்ளாகும் வாய்ப்புள்ளதாகவும், அந்த பகுதியை கடந்து செல்லும் பெண்கள், அருகில் கடை நடத்தி வரும் வியாபாரிகளுக்கும் இடையூறாக இருக்கும் என்றும், போக்குவரத்து நெரிசலும் அதிகரிக்கும் என்று ஆர்பாட்டத்தில் ஈடுபட்டவர்கள் தெரிவித்தனர்.எனவே, இந்த கடை திறக்கப்படக்கூடாது எனவும், இல்லையென்றால் தொடர்ந்து போராட்டம் நடத்தப்படும் என்றனர்.
தகவலறிந்து வந்த காவல்துறையினர், மாவட்ட ஆட்சியரிடம் முறையாக மனு கொடுத்து புகார் தெரிவிக்கும்படி கூறியதை அடுத்து, ஆர்பாட்டத்தை கைவிட்டு, ஆட்சியர் அலுவலகத்திற்கு மனு அளிக்க சென்றனர்.
டிஜிட்டல் கைது’ மோசடிக்கு எதிராக என்பிசிஐ மக்களிடம் விழிப்புணர்வு ஏற்படுத்துகிறது
பண்டிகை கால கடன் விகிதம் 27 சதவீதம் அதிகரிப்பு, பஜாஜ் நிதி நிறுவனத்தில் முதல் முறையாக கடன் வாங்குபவர்களின் எண்ணிக்கை 52 சதவீதமாக உயர்வு
இதுவரை இல்லாத அளவு 2025 ஆம் ஆண்டில் 10 மாதங்களுக்குள் அதிக விற்பனை செய்து ஸ்கோடா ஆட்டோ இந்தியா சாதனை
அதிக உடல் எடையை அதிநவீன மருத்துவ தொழில்நுட்ப வசதிகளுடன் குறைக்க மைனஸ் கிளினிக் கோவையில் துவக்கம்
சென்னையில் பிரபலமான கஃபே டி கோவை பீளமேட்டில் திறப்பு !
தி கேம்ஃபோர்டு சர்வதேச பள்ளியின் 16-ஆவது ஆண்டு விழா மற்றும் நிறுவனர் தின விழா
For English News
