September 28, 2018 
தண்டோரா குழு
தெலுங்கில் ‘அர்ஜுன் ரெட்டி’ என்ற படத்தின் மூலம் நடிகர் விஜய் தேவரகொண்டாவுக்கு ரசிகர்கள் பட்டாளம் அதிகமாகியுள்ளது.இவரது நடிப்பில் கடைசியாக வெளியான தெலுங்கு படம் ‘கீதா கோவிந்தம்’ ரசிகர்கள் மத்தியில் நல்ல வரவேற்ப்பை பெற்றுள்ளது.
தற்போது, விஜய் தேவரகொண்டா கைவசம் ‘டாக்ஸிவாலா (தெலுங்கு),நோட்டா (தமிழ்/தெலுங்கு),Dear Comrade (தெலுங்கு) என 3 படங்கள் உள்ளது.இதில் ‘நோட்டா’ படத்தை ஆனந்த் ஷங்கர் இயக்கியுள்ளார்.இப்படம் வரும் அக்டோபர் 5-ஆம் தேதி ரிலீசாகவுள்ளது.
இந்நிலையில்,விஜய் தேவரகொண்டா ஒரு பேட்டியில் தளபதி விஜய் குறித்து கூறியுள்ளார்.அதில்,“நான் விஜய் சார் நடித்த படங்களின் காட்சிகளை மட்டுமே பார்த்திருக்கிறேன்.ஆனால்,இதுவரை அவர் நடித்த எந்த படத்தையும் முழுவதுமாக பார்த்ததில்லை.விஜய் சாரின் ஸ்டைல் எனக்கு ரொம்ப பிடிக்கும்.ஆகையால்,அவர் நடித்த படங்களின் டிரெய்லர் வந்தால் உடனே பார்த்து விடுவேன்” என்று கூறியுள்ளார்.
For English News
