September 3, 2018 
தண்டோரா குழு
பிக்பாஸ் வீட்டிலிருந்து வெளியேறிய டேனியல் தன் காதலியை கரம் பிடித்தார்.இதற்கு தானே ஆசைப்பட்டாய் பாலகுமாரா படத்தில் விஜய் சேதுபதியுடன் இணைந்து காமெடியில் கலக்கியவர் டேனியல்.அதன் பின் பல்வேறு படங்களில் ஹீரோவுடன் முக்கிய கதாப்பாத்திரத்திலும் நடித்துள்ளார்.
இதற்கிடையில்,பிக்பாஸ் 2 நிகழ்ச்சியில் கலந்து கொண்ட டேனியல் நேற்றைய நிகழ்ச்சியில் பிக்பாஸ் வீட்டில் இருந்து வெளியேற்றப்பட்டார்.இந்நிலையில்,பிக்பாஸ் வீட்டில் இருந்து வெளியேறியவுடன் டேனியல் தனது காதலியை டேனிஷாவை கரம் பிடித்துள்ளார்.
இந்த திருமணம் தொடர்பாக அவர் தனது முகநூல் பக்கத்தில்,
உங்கள் அனைவரிடமும் எனது அழகிய மனைவி டேனிஷா டேனியலை அறிமுகப்படுத்துவதில் மகிழ்ச்சி கொள்கிறேன்.நாங்கள் எளிமையாக பதிவு திருமணம் செய்து கொண்டோம்.சில குடும்ப பிரச்சினைகள் காரணமாக இந்த அழகான விஷயத்தை உங்களுடன் இன்று வரை பகிர முடியவில்லை கணவன் – மனைவியாக நாங்கள் தொடங்கும் இந்த பயணத்துக்கு உங்களுடைய ஆசிகளையும் நல்வாழ்த்துக்களையும் கோருகிறோம் எனக் கூறியுள்ளார்.
For English News
