August 1, 2018 
தண்டோரா குழு
பாலாஜி மோகன் இயக்கத்தில் தனுஷ் நடிப்பில் வெளிவந்த மாரி படத்தின் வெற்றியை தொடர்ந்து தற்போது மாரி 2 படம் உருவாகியுள்ளது.தனுஷின் வொண்டர்பார் நிறுவனம் தயாரிக்கும் இப்படத்தில் தனுஷுக்கு ஜோடியாக சாய் பல்லவி நடித்து வருகிறார்.மேலும் வரலட்சுமி,வித்யா,கிருஷ்ணா, டோவினோ தாமஸ் உள்ளிட்ட பலர் நடித்து வருகிறார்கள்.
யுவன் ஷங்கர் ராஜா இசையமைக்கும்,இப்படத்தில் தனுஷுக்கு வில்லனாக டோவினோ தாமஸ் நடித்து வருகிறார்.இப்படத்தின் இறுதிகட்ட படப்பிடிப்பின் போது தனுஷிற்கு காயம் ஏற்பட்டதால் ஒரே ஒரு பாடல் காட்சி தவிர அனைத்துப் படப்பிடிப்பும் நிறைவடைந்தது.
இதற்கிடையில்,அந்த பாடல் காட்சி தற்போது படமாக்கபட்டுள்ளது.இதில் தனுஷிற்கு நடிகரும் இயக்குனருமான பிரபுதேவா நடனம் அமைத்துள்ளார்.இதனை தனுஷ் தனது டுவிட்டர் பக்கத்தில் தெரிவித்துள்ளார்.மேலும் பிரபுதேவாவின் நடனத்தை கண்டு வியந்ததாகவும் தெரிவித்துள்ளார்.
For English News
