July 24, 2018 
தண்டோரா குழு
சாமி படத்தின் வெற்றியை தொடர்ந்து ஹரி சாமி ஸ்கொயர் படத்தை இயக்கி வருகிறார். இப்படத்தில் விக்ரம்,கீர்த்தி சுரேஷ்,ஐஸ்வர்யா ராஜேஷ்,பாபி சிம்ஹா,பிரபு,சூரி,டெல்லி கணேஷ் எனப் பலரும் நடித்துள்ளனர்.விரைவில் திரைக்குவரவுள்ள இப்படத்தின் இசை வெளியீட்டு விழா நேற்று மாலை நடைபெற்றது.
இந்நிகழ்ச்சியில் பேசிய நடிகை கீர்த்தி சுரேஷ்,
“இயக்குநர் ஹரி படப்பிடிப்பு தளத்தில் பரபரப்பாக இயங்குவதைக் கண்டு நான் ஆச்சரியப்பட்டு இருக்கிறேன்.அவரிடமிருந்து நேரம் குறித்த திட்டமிடல் பற்றி எளிதாக தெரிந்துக் கொள்ளலாம். ஐஸ்வர்யா ராஜேஷ் நடிகையர் திலகம் பார்த்து இப்போது தான் என்னுடைய ரசிகையாகி இருக்கிறார்.ஆனால்,நான் அவர் நடித்த காக்காமுட்டை பார்த்ததிலிருந்தே நான் அவருடைய ரசிகை.
என்னுடைய சிறிய வயதில் அந்நியன் படத்தில் விக்ரம் சாரின் ரெமோ கெட்டப் புகைப்படங்களை அறை முழுவதும் ஒட்டி வைத்திருந்தேன்.இப்போ அந்த ரெமோவுடன் இணைந்து நடித்திருக்கிறேன். சாமி படத்தின் முதல் பாகத்தில் விக்ரம் எப்படியிருந்தாரோ அதே போல் இந்த படத்திலும் இருக்கிறார்” என்றார்.
For English News
