July 10, 2018 
தண்டோரா குழு
சூப்பர்ஸ்டார் ரஜினிகாந்த் தனது அரசியல் அறிவிப்பை தொடர்ந்து படங்களிலும் தொடர்ச்சியாக நடித்து வருகிறார். காலா படத்தை தொடர்ந்து தற்போது கார்த்திக் சுப்புராஜ் இயக்கத்தில் நடித்து வருகிறார்.
சன் பிக்சர்ஸ் நிறுவனம் தயாரிக்கும் இப்படத்தின் படப்பிடிப்பு மிக விறுவிறுப்பாக நடந்து வருகிறது. ஜூன் மாதம் முதல் வாரத்தில் தொடங்கிய படப்பிடிப்பில் ரஜினிகாந்த் 40 நாட்கள் கால்ஷீட் கொடுத்ததாக கூறப்படுகிறது.இந்நிலையில், தற்போது நடிகர் ரஜினிகாந்த் அடுத்து கே.எஸ்.ரவிக்குமாரின் படத்தில் நடிக்க இருப்பதாக தகவல் வெளியாகியுள்ளது. மூத்த தயாரிப்பாளர் சங்கிலி முருகன் ரஜினியிடம் கால்ஷீட் கேட்டபோது ரஜினியே இந்த தகவலை அவரிடம் கூறியதாக கூறப்படுகிறது.
ரஜினி – கே.எஸ்.ரவிக்குமார் கூட்டணியில் வெளியான முத்து, படையப்பா ஆகிய படங்கள் மாபெரும் வெற்றி பெற்றன. எனினும், இறுதியாக ரஜினியை வைத்து கே.எஸ்.ரவிக்குமார் இயக்கிய லிங்கா திரைப்படம் தோல்வியை சந்தித்தது என்பது குறிப்பிடத்தக்கது.
For English News
