July 4, 2018 
தண்டோரா குழு
தமிழ் சினிமாவில் காதலர் தினம் என்ற படத்தின் மூலம் ஒட்டு மொத்த தமிழ் ரசிகர்களையும் கவர்ந்தவர் சோனாலி. இவர் பெரும்பாலும் பாலிவுட் திரைப்படங்களில் நடித்துள்ளார். மராத்தி, தெலுங்கு, தமிழ் மற்றும் கன்னடத் திரைப்படங்களிலும் நடித்துள்ளார்.
தமிழில் காதலர் தினம், பம்பாய், கண்ணோடு காண்பதெல்லாம் ஆகிய ஹிட் படங்களில் நடித்துள்ளார்.
இந்நிலையில், இவர் தற்போது தனக்கு கேன்சர் நோய் தாக்கி இருப்பதாக தன்னுடைய ட்விட்டர் பக்கத்தில் கூறி ரசிகர்கள் மத்தியில் அதிர்ச்சியை ஏற்படுத்தியுள்ளார்.
இதுகுறித்து தனது ட்விட்டர் பக்கத்தில் சோனாலி வெளியிட்டிருக்கும் பதிவில்,
தனது உடலில் ஏற்பட்ட வலி காரணமாக மருத்துவரை சந்தித்து சில பரிசோதனைகளை மேற்கொண்டேன். இந்த பரிசோதனையில் புற்றுநோயால் பாதிக்கப்பட்டிருப்பது தெரியவந்தது. இப்போது இதற்காக நான் நியூயார்க்கில் சிகிச்சை பெற்றுவருகிறேன். எனது நண்பர்களும், உறவினர்களும் எனக்கு பக்கபலமாகவும் , உறுதுணையாகவும் இருக்கின்றனர். இந்த நோயிலிருந்து போராடி விரைவில் குணமடைவேன் என அவர் நம்பிக்கை தெரிவித்துள்ளார்.
இதனை பார்த்த ரசிகர்கள் விரைவில் குணமடைய கடவுளை வேண்டி வருகின்றனர். சோனாலிக்கு தங்களது ஆறுதலையும் கூறி வருகின்றனர்.
For English News
