June 23, 2018 
தண்டோரா குழு
பாலாஜி மோகன் இயக்கத்தில் தனுஷ் நடிப்பில் வெளிவந்த மாரி படத்தின் வெற்றியை தொடர்ந்து தற்போது மாரி 2 படத்தின் படப்பிடிப்பு நடந்து வருகிறது. இப்படத்தில் தனுஷுக்கு ஜோடியாக சாய் பல்லவி நடித்து வருகிறார்.
மேலும் வரலட்சுமி, வித்யா, கிருஷ்ணா, டோவினோ தாமஸ் உள்ளிட்ட பலர் நடித்து வருகிறார்கள். இந்நிலையில், இப்படத்தில் வில்லனாக நடிக்கும், டோவினோ தாமஸ்க்கும் தனுஷுக்கு இடையேயான சண்டைக்காட்சிகள் நேற்று படமாக்கப்பட்டது. அப்போது, எதிர்பாராத விதமாக தனுஷுக்கு வலது காலிலும், இடது கையிலும் காயம் ஏற்பட்டது.
இதனால், அதிர்சியடைந்த படக்குழுவினர் உடனடியாக தனுஷுக்கு முதலுதவி அளித்து அவரை மருத்துவமனைக்கு அழைத்துச் சென்றனர். இதற்கிடையில் தனுஷுக்கு படுகாயம் ஏற்பட்டு விட்டதாக சமூகவலைதளங்களில் தகவல் பரவியது. இதனால் அவரது ரசிகர்கள் அதிர்ச்சி அடைந்தனர்.
இந்நிலையில், தனுஷ் தனது டுவிட்டர் பக்கத்தில்,
“என் அன்புக்குரிய ரசிகர்களே, எனக்கு பெரிய காயம் எதுவும் ஏற்படவில்லை. நான் தற்போது நலமாக இருக்கிறேன். உங்கள் அன்பிற்கும், பிரார்த்தனைக்கும் மிக்க நன்றி. நான் என்றும் உங்களது அன்பிற்கு கடமைப்பட்டிருக்கிறேன். என் பலத்திற்கு தூண் போன்று இருக்கும் உங்களை மிகவும் நேசிக்கிறேன்” எனத் தெரிவித்துள்ளார்.
தனுஷின் இந்த டிவிட்டைப் பார்த்தப் பிறகு தான் அவரது ரசிகர்கள் சமாதானம் அடைந்துள்ளனர்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
