August 6, 2016 
தண்டோரா குழு
பரதன் இயக்கத்தில் விஜய் நடித்துவரும் படத்துக்கு, எங்க வீட்டுப் பிள்ளை என்று பெயர் வைக்கவிருப்பதாகத் தகவல். எம்.ஜி.ஆர் நடித்த எங்க வீட்டுப் பிள்ளையை தயாரித்த விஜயா ஸ்டுடியோஸே விஜய் படத்தையும் தயாரிப்பதால் பெயரை வைக்க யாருடைய அனுமதியையும் பெற வேண்டியதில்லை.ஆனால், எம்.ஜி.ஆர் இன்றும் பல்லாயிரம் ரசிகர்களின் நெஞ்சில் வாழ்ந்து கொண்டிருப்பவர். அவரது புகழின் ஒரு துணுக்கைக்கூட இன்னொருவர் எடுத்துக் கொள்வதை பொறுக்காதவர்கள் ரசிகர்கள்.
எங்க வீட்டுப் பிள்ளை என்றால் அவர்களுக்கு எம்.ஜி.ஆர் மட்டுமே. அதனை விஜய்க்கு விட்டுத்தர அவர்கள் தயாராக இல்லை. அனைத்துலக எம்.ஜி.ஆர் பொதுநல சங்கத்தினர், எங்க வீட்டுப் பிள்ளை பெயரை விஜய் படத்துக்கு வைக்கக் கூடாது என்பதை வலியுறுத்தி, வரும் 14ஆம் தேதி விஜய் வீட்டு முன் போராட்டம் நடத்துவது என்றும், அதற்குப் பிறகும் பெயரைப் பயன்படுத்தினால், போராட்டத்தைத் தீவிரப்படுத்துவது என்றும் தீர்மானம் நிறைவேற்றியுள்ளனர்.
For English News
