June 4, 2018 
தண்டோரா குழு
நடிகர் கமல்ஹாசன் தொகுத்து வழங்கிய பிக் பாஸ் நிகழ்ச்சி பல்வேறு எதிர்மறை விமர்சனங்களை சந்தித்தாலும் மக்கள் மத்தியில் நல்ல வரவேற்பை பெற்றது.
தற்போது கமல்ஹாசன் ‘மக்கள் நீதி மய்யம்’ கட்சியை தொடங்கி தீவிர அரசியலில் இறங்கியுள்ளார். இதனால் அவர் ‘பிக்பாஸ் 2’ நிகழ்ச்சியை நடத்த மாட்டார்.சூர்யா,அரவிந்சாமி அல்லது பிரபல ஹீரோ ஒருவர் நடத்துவார் என்று கூறப்பட்டது.ஆனால்,கமல்ஹாசன் தான் பிக்பாஸ் 2 நிகழ்ச்சியையும் தொகுத்து வழங்குவார் என அறிவிக்கப்பட்டது.
இதனைத்தொடர்ந்து,பிக்பாஸ் 2 குறித்த இரண்டு புரோமோ வீடியோக்கள் வெளியிடப்பட்டன. இந்நிலையில்,பிக்பாஸ் 2வருகிற 17 – ம் தேதி முதல் திங்கள் முதல் ஞாயிறு வரை ஒளிபரப்பாகும் என அறிவிக்கப்பட்டுள்ளது.இதற்கான விளம்பர காணொளியை விஜய் டி.வி வெளியிட்டுள்ளது.
இந்நிகழ்ச்சியில் கலந்து கொள்ளும் நடிகர்,நடிகைகள் பெயர் பட்டியல் மற்ற விவரங்கள் விரைவில் வெளியாகும் என எதிர்பார்க்கலாம்.
For English News
