ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

கின்னஸ் புத்தகத்தில் இடம் பிடிக்கப் போகும் தாக்ஷாயனி யானை

July 27, 2016

தண்டோரா குழு

கேரளாவிலுள்ள 1,250 கோயில்கள் திருவாங்கூர் தேவஸ்வம் போர்டு கட்டுப்பாட்டில் உள்ளன.

கோயில்களில் நடைபெறும் அனைத்து விழாக்களிலும் யானைகளைப் பங்கெடுக்க வைப்பது இம்மாநிலத்தின் தனித்தன்மை.

இவ்வமைப்பு 33 யானைகளைப் பராமரித்து வருகிறது. புகழ் பெற்ற ஐயப்பன் திருக்கோயிலான சபரிமலையும் இவ்வமைப்பின் கட்டுப் பாட்டிலேயே இயங்குகிறது.

இங்குள்ள யானைகளில் வயதில் மூத்தது ‘தாக்ஷாயனி’ என்ற யானை. 86 வயதான இந்த யானை மூப்பின் எந்த அறிகுறிகளுமின்றி ஆரோக்கியமாகவும், திடமாகவும் உள்ளது. உலகிலேயே நீண்ட ஆயுளுடன் வாழும் யானை என்று கின்னஸ் புத்தகத்தில் இடம் பிடிக்கத் தயாராகிக் கொண்டிருக்கிறது என்று இவ்வமைப்பின் தலைவர் ப்ரயர் கோபாலகிருஷ்ணன் கூறியுள்ளார்.

தேவஸ்வம், மற்றும் கேரள வனத்துறை ஆகியோரிடம் உள்ள ஆவணங்கள்படி இதுவரை வாழ்ந்த யானைகளில் தாக்ஷயினியே வயது முதிர்ந்தது என்று கணிக்கப்பட்டுள்ளது.

கின்னஸ்ஸில் பதிப்பதற்கு முன் தாக்ஷயினியைக் கௌரவிக்கும் முகமாக ஒரு தபால் கவர் வெளியிட கேரள தபால் சேவை மையம் தீர்மானித்துள்ளது என்றும் கோபாலகிருஷ்ணன் கூறினார்.

தாய்வானில் வாழ்ந்த 85 வயது யானை 2003ம் ஆண்டு இறந்தது. அதை விட ஒரு வயது அதிகமானதால் தாக்ஷயினியை கின்னஸ் புத்தகத்தில் பதிவு செய்ய இவ்வமைப்பினர் முயற்சிகள் மேற்கொண்டுள்ளனர்.

திருவாங்கூர் தேவசம் போர்டு 1949ம் ஆண்டு தொடங்கப்பட்டபோது 10 யானைகள் இருந்தன. ஆனால் தற்போது அவற்றில் இரு யானைகளே உயிருடன் உள்ளன. அவற்றில் தாக்ஷாயினியும் ஒன்று. இந்த யானை திருவாங்கூர் அரச குடும்பத்தால் பரிசளிக்கப்பட்டது என்றும் கூறினார்.

தாக்ஷாயினியை கௌரவிக்கும் தினத்தன்று அதைப் பராமரித்து இப்போது ஓய்வில் இருக்கும் மூன்று யானைப் பாகர்களையும், தற்சமயம் பராமரித்துக் கொண்டிருக்கும் இரு பாகர்களையும் உடன் கௌரவிக்கத் திட்டமிடப்பட்டுள்ளது என்றும் தெரிவித்தார்.

இந்த விஞ்ஞானயுகத்தில் யானைகளின் வயது போன்ற பல விவரங்களை உறுதி செய்ய வழிகள் உள்ளன. ஆகையால் தங்களிடம் உள்ள 33 யானைகளின் முழு விவரங்களையும் புத்தகமாக வெளியிடப்போதாகவும். தலைவர் கோபாலகிருஷ்ணன் தெரிவித்தார்.

கின்னஸ் புத்தகத்தில் இடம் பிடிக்கப் போகும் தாக்ஷாயனி யானை

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்