March 4, 2018 
tamilsamayam.com
ஜூனியர் கிரிக்கெட் தேர்வுக்குழு தலைவராக கடந்த 30 மாதங்களாக செயல்பட்டு வந்த வெங்கடேஷ் பிரசாத் திடீரென ராஜினாமா செய்துள்ளார்.
அண்மையில் ஜூனியர் உலகக் கோப்பையை இந்தியா வென்று சாதனைப் படைத்தது. முன்னாள் இந்திய வேகப்பந்துவீச்சாளர் வெங்கடேஷ் பிரசாத் இந்த ஜூனியர் அணியை தேர்வு செய்யும் தேர்வுக் குழு தலைவராக செயல்பட்டு வந்தார்.
இந்நிலையில் அவர் திடீரென ராஜினாமா செய்துள்ளார்.இதுகுறித்துப் பிசிசிஐ தலைவர் சி கே கன்னா கூறுகையில், “வெங்கடேஷ் பிரசாத் ராஜினாமா குறித்த காரணத்தை அவரின் கடிதத்தில் குறிப்பிடவில்லை. ஒருவேளை அவர் வேறு ஏதேனும் பொறுப்பை ஏற்பதற்காக ராஜினாமா செய்திருக்கலாம்.” என தெரிவித்துள்ளார்.
ஜூனியர் அணி தேர்வுக்குழுவில் உள்ள 6 உறுப்பினர்களில் வெங்கடேஷ் அதிக சர்வதேச போட்டிகளில் விளையாடி உள்ளது குறிப்பிடத்தக்கது.
For English News
