Download mobile app

13 Oct 2025, MondayEdition - 3533

FLASH NEWS

ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

ஐசிசி U-19 உலக கோப்பை கிரிக்கெட் போட்டி:பாகிஸ்தானை வீழ்த்தியது இந்திய அணி

January 30, 2018

தண்டோரா குழு

ஐசிசி U-19 உலக கோப்பை கிரிக்கெட் போட்டியில் அரையிறுதியில் பாகிஸ்தான் அணியை அபாரமாக வீழ்த்தி இறுதிப்போட்டிக்கு முன்னேறியது இந்திய அணி.

ஐசிசி U-19 உலக கோப்பை 2வது அரைஇறுதி போட்டியில் இந்தியா அணி , பாகிஸ்தான் அணியோடு மோதியது.கிறைஸ்ட்சர்ச் ஹேக்லி ஓவல் மைதானத்தில் நடைபெற்ற இப்போட்டியில் டாஸ் வென்ற இந்திய அணி பேட்டிங்கை தேர்வு செய்தது. இதனையடுத்து களமிறங்கிய இந்திய அணி 50 ஓவர் முடிவில் 9 விக்கெட் இழப்பிற்கு 272 ரன்கள் எடுத்தது. இந்திய அணியில் சிறப்பாக விளையாடிய சுப்மன் கில் 102 ரன்கள் விளாசினார்.

இதனையடுத்து 273 ரன்கள் எடுத்தால் வெற்றி என்ற இலக்குடன் களமிறங்கிய பாகிஸ்தான் அணி 29.3 ஓவர்களில் அனைத்து விக்கெட்டுக்களையும் இழந்து 69 ரன்கள் மட்டுமே எடுத்தது. இந்திய அணி தரப்பில் இஷான் போரால் 4 விக்கெட்டுகளை வீழ்த்தினார். இதன் மூலம் இந்திய அணி 203 ரன்கள் வித்தியாசத்தில் அபார வெற்றி பெற்று இறுதி போட்டிக்கு முன்னேறியது. வருகின்ற பிப்ரவரி 3-ம் தேதி நடைபெறும் இறுதிப் போட்டியில் இந்திய அணி ஆஸ்திரேலிய அணியை எதிர்கொள்கிறது.